قازاقستاندىق دەلەگاتسيا ريو- دە- جانەيروداعى وليمپيادالىق نىسانداردى ارالاپ كوردى - فوتو

بۇل تۋرالى ق ر ۇلتتىق وليمپيادا كوميتەتى باسپا ءسوز قىزمەتى حابارلايدى.

ق ر مادەنيەت جانە سپورت مينيسترلىگى سپورت ىستەرى جانە دەنەشىنىقتىرۋ كوميتەتىنىڭ ءتوراعاسى ەلسيار قاناعاتوۆ پەن ەلىمىزدىڭ وليمپيادالىق كوميتەتىنىڭ اتقارۋشى ديرەكتورى سەرىك قاسقاباسوۆ ريو- دە- جانەيرودا وتەتىن ХXXI جازعى وليمپيادا ويىندارىنىڭ نىساندارىن كورىپ كەلدى.

قازاقستاندىق دەلەگاتسيا وسى ءىس- ساپارى اياسىندا وليمپيادا كەزىندە ءبىزدىڭ سپورتشىلار تۇراتىن ورىنعا باس سۇقتى. وليمپيادالىق اۋىلدا 31 عيمارات بوي كوتەرگەن، 3600 دەن استام تۇرعىن ءۇي- جاي بار. ولار باسسەين، تەننيس كورتتارى، مۋزىكالىق اسپاپتار مەن بەينەويىندار، پسيحولوگ، كوسمەتولوگ بولمەلەرىمەن جاراقتاندىرىلادى.

سونىمەن قاتار، قازاقستاندىق دەلەگاتسيا وليمپيادا ويىندارىنىڭ الدىندا وتاندىق اتلەتتەر دايىندىقتارىن پىسىقتايتىن ارنايى سپورتتىق بازالاردى ارالادى. ۇسىنىلعان نىسانداردىڭ ىشىنەن قازاقستاندىق پالۋانداردىڭ برازيليانىڭ اۋا- رايىنا بەيىمدەلۋ ماقساتىنداعى جاتتىعۋ جيىنىن جۇرگىزەتىن بازا تاڭدالىپ الىندى.

برازيلياعا جاسالعان ءىس- ساپاردىڭ قورىتىندىسى بويىنشا مينيسترلىك پەن ۇ و ك وليمپيادالىق نىسانداردىڭ كوماندالاردى قارسى الۋعا دايىن ەكەنىن ايتادى. ولاردىڭ سوزىنە قاراعاندا، ريودا سپورتشىلار ءۇشىن بارلىق جاعداي جاسالعان. سپورتشىلار ءۇشىن باستى ماقسات وليمپيادا ويىندارىندا ەل نامىسىن ابىرويمەن قورعاۋ.

ايتا كەتەيىك، 2016 -جىلعى ХXXI جازعى وليمپيادا ويىندارى تامىزدىڭ 5 مەن 21 ى ارالىعىندا ريو- دە- جانەيرودا وتەدى. سپورتشىلار 306 مەدالدار جيىنتىعى ءۇشىن تالاس جۇرگىزبەك. قازىرگى تاڭدا قازاقستاندىق سپورتشىلار وليمپياداعا 102 جولداما جەڭىپ الدى.

  

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى