قىتاي دوڭىزدىڭ كوزىن ادامعا سالۋدى قولعا الدى

 دەپ حابارلادى www.24.kz.

بيوينجەنەرلىك زەرتتەۋ ناتيجەسىندە 70 ناۋقاستىڭ جانارىنا نۇر بىتكەن. قازىر كۇردەلى وپەراتسيانى جاسايتىن كاسىپقوي حيرۋرگتەر ساۋساقپەن سانارلىق. وسىعان بايلانىستى قازىر بىلىكتى ماماندار دايارلانىپ جاتىر. شىنجەندەگى شوشقا فەرماسى ەتتەن عانا پايدا تاپپايدى، جانۋاردىڭ جانارىن ادامعا سالۋمەن اينالىساتىن زەرتتەۋ ورتالىعىنا ساتادى.

 الەمدەگى سوقىر جانداردىڭ 5/1 قىتايدا تۇرادى. بۇل - 8 ميلليون ادام كورۋگە ءزارۋ دەگەن ءسوز. ناۋقاستاردىڭ باسىم بولىگى شىرىشتى قاباتتىڭ اۋرۋىنا شالدىعادى ەكەن. ولار ءۇشىن جالعىز ءۇمىت - ترانسپلانتاتسيا.

«سوڭعى 10 جىلدا ءبىزدىڭ كومپانيا وسى سالانى زەرتتەۋ مەن جاڭالىق اشۋعا 1 ميلليارد يۋان جۇمسادى. وسى ۋاقىت ارالىعىندا ءبىز ءتۇرلى جانۋارلارعا زەرتتەۋ جۇرگىزدىك. سيىر، قوي، يتكە قاراعاندا دوڭىزدىڭ اق قابىقشاسى قۇرامى جاعىنان ادامدىكىنە وتە جاقىن بولىپ شىقتى»، - دەيدى حالىقارالىق كوزدى قالپىنا كەلتىرۋ ورتالىعىنىڭ باس ديرەكتورى شاو چجەنكان، وسىلايشا وتكەن جىلدان بەرى جاڭا ءتاسىلدىڭ ارقاسىندا جانارى سولعان جانداردا ءۇمىت پايدا بولدى. ايلاپ، ءتىپتى جىلداپ دونور كۇتەتىندەر ءۇشىن دوڭىز كوزى ناعىز كومەكتىڭ ءوزى.

«2015 - جىلى اق قابىرشاقتى سالۋ بويىنشا 5000 وپەراتسيا جاسالعان. ياعني جىل بويى 5 مىڭ دونور عانا تابىلعان. ال ميلليونداعان ادام بولسا سارىلىپ كۇتىپ جاتىر»، - دەيدى چجۋنشان كوز ورتالىعىنىڭ پروفەسسورى يۋان تسزين.

دارىگەرلەردىڭ ايتۋىنشا، بيوينجەنەرلىك تەحنولوگيانىڭ ارقاسىندا ناۋقاس جاندارعا ءبىر ايدىڭ ىشىندە وپەراتسيا جاسالادى. سونىڭ ءبىرى - جوۋ ۆانتسزو. وتكەن جىلى ساۋىردە سالىنعان كوز ءتاۋىر كورە باستاعان.

«سول كوزىم تۇك كورمەيتىن، قازىر جانارىما ساۋلە ءتۇستى»، - دەدى ەمدەلۋشى جوۋ ۆانتسزو.

بۇگىندە قىتايدا دوڭىز كوزىنىڭ شىرشىتتى قاباتى سالىنعان 70 ادام بار. ازىرگە بىلىكتى ماماندار تاپشى. سوندىقتان وسى سالادا كوز دارىگەرلەرىن قايتا دايارلاۋ جۇمىسى قولعا الىندى. بۇل ەلدەگى 8 ميلليون سوقىر جاننىڭ بارلىق ءۇمىتى سولاردا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى