يليا يلين: ريو وليمپياداسىنا كەشىكتىم

 «ريو ويىندارىنا كەشىگىپ قالعان شىعارمىز...»، - دەدى سپورتشى كەشە كەشكە جاتتىعۋ بولمەسىنە استانا جۋرناليستەرىن شاقىرىپ، اڭگىمەلەسكەن كەزدە.

 حالىقارالىق اۋىر اتلەتيكا فەدەراتسياسى 2012 -جىلعى لوندون وليمپياداسىنا قوسا، ەندى يليانى 2008 -جىلى بەيجىڭ وليمپياداسىندا دا دوپينگكە جاتاتىن پرەپاراتتار قولداندى دەپ ايىپتاپ وتىر.

«ريو ويىندارىنا بارىپ ۇلگەرمەيتىن شىعارمىن... كەلەسى وليمپيادا توكيودا وتەدى. جالپى، دوپينگ داۋىنان كەيىن ساعىم قاتتى سىنعان جوق، سەبەبى، ءالى جاسپىن، بويىمدا كۇش- قۋاتىم بار، ياعني، مەن ءالى ءوزىمدى دالەلدەي الامىن دەگەن ءسوز. ءتىپتى، وسى داۋدىڭ اياعى مەن قالاعانداي بولماسا دا مەن سپورتتى تاستامايمىن»، - دەدى يليا.

 اۋىر اتلەت ارتىنان ەرگەن جاس سپورتشىلارعا ساباق بەرگىسى كەلەتىنىن دە ايتتى.

«مەن اۋىر اتلەلتيكانى قاتتى جاقسى كورەمىن، سپورتتى جاقسى كورەمىن. مىنا داۋ قالاي اياقتالسا دا، مەن سپورتتان كەتپەيمىن. مەنى جاتتىعۋ ۇستىندە كورگىسى كەلەتىن جاستار كوپ، مەن ولارعا زىلتەمىردى قالاي كوتەرۋ كەرەگىن ۇيرەتە الامىن. جاتتىعۋ زالىنا كەلسەم، جانىم جاي تابادى، ول جەر مەنىڭ ۇيىمدەي»، - دەيدى يليا.

اۆتور: كەنجەكەي توقتامۇرات قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى