ونىمدەرىمىز ساپالى ءارى ەكولوگيالىق جاعىنان تازا بولعاندىقتان ىشكى جانە سىرتقى نارىقتا سۇرانىس جوعارى - ب. ابدراحمانوۆ

بۇل تۋرالى «قازاقپارات» ح ا ا تىلشىسىنە بۋراباي اۋدانىنداعى «حوتتەي» ج ش س- نىڭ ديرەكتورى بولاتبەك ابدراحمانوۆ ايتتى.

ونىڭ ايتۋىنشا، شۋچە قالاسىندا ورنالاسقان كاسىپورىن بۇگىنگى كۇنى تاۋلىگىنە 120 توننا بيداي وڭدەپ، ءبىرىنشى جانە ەكىنشى سورتتى ۇن شىعارادى. 2016 -جىلدىڭ 1- توقسانىندا 500 توننا ۇن، 600 توننا كەبەك شىعارىلعان. ءونىم قازاقستان رەسپۋبليكاسىنان وزگە اۋعانستان، تۇركىمەنستان، تاجىكستان جانە وزبەكستان ەلدەرىنە ەكسپورتتالىپ جاتىر. وسى كۇنى كاسىپورىن 27 ادامدى جۇمىسپەن قامتىپ وتىر.

«ءبىزدىڭ ونىمدەرىمىز ساپالى ءارى ەكولوگيالىق جاعىنان تازا بولعاندىقتان ىشكى جانە سىرتقى نارىقتا سۇرانىس جوعارى. ءبىزدىڭ ونىمدەردىڭ ساپاسى شەتەلدىك ونىمنەن ەش كەم ەمەس. سوندىقتان، ءوندىرىستى ۇلعايتۋدى كوزدەپ وتىرمىز»، - دەيدى ب. ابدراحمانوۆ.

ەسكە سالا كەتەيىك، اقمولا وبلىسىندا استىق وندەپ، ۇن شىعارۋمەن اينالىساتىن 50 كاسىپورىن بولسا، سونىڭ ءبىرى - «حوتتەي» جاۋاپكەرشىلىگى شەكتەۋلى سەرىكتەستىگى.

 اۆتور: اسلان وسپانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى