ق ر پرەمەر-ءمينيسترى الماتىداعى نوسەردىڭ سالدارىن جويۋ بويىنشا جۇمىستاردى جەكە ءوزى تەكسەرمەك

«ينتەرنەتتە، الەۋمەتتىك جەلىلەردە ءبىزدىڭ سۇيىكتى قالامىزدا قالقىپ جۇرگەن «تەسلانىڭ» (ەلەكتروموبيل) ارقاسىندا تەرىس ماعىنادا تانىلدى. قالايشا وسىنداي جاعداي تۋىندادى، پروبلەما نەدە؟» - دەپ سۇرادى ك. ءماسىموۆ سەلەكتورلىق رەجىمدەگى ۇكىمەت وتىرىسىندا الماتى اكىمى باۋىرجان بايبەككە قاراتىپ ايتقان سوزىندە.

ءوز كەزەگىندە قالا باسشىسى الماتىدا تەك مامىر ايىندا 108 ميلليمەترلىك ورتاشا ايلىق نورمانىڭ ورنىنا 200 ميلليمەتر جاۋىن-شاشىن تۇسكەنىن اتاپ ءوتتى. ياعني، جاۋىن ەكى ەسە ارتىق جاۋدى. ال 17- ماۋسىمدا، وتكەن جۇمادا ءۇش ساعاتتا 47 ميلليمەتر جاۋىن (ايلىق نورما 60 ميلليمەتر) جاۋدى، سونداي-اق تاۋلى جەرلەردە ونىڭ دەڭگەيى 57 ميلليمەترگە جەتكەن.

«ناتيجەسىندە سۋ باسۋدىڭ 94 وقيعاسى ورىن الدى. ونىڭ ىشىندە 25 ءى جەكە ۇيلەردە، 69 ى اۋلا اۋماعىندا. نوسەر سالدارىن جويۋ ءۇشىن ت ج جونىندەگى دەپارتامەنت بازاسىندا 110 ادامنان قۇرالعان ازاماتتىق قورعانىستىڭ، كوممۋنالدىق قىزمەتتەردى تارتۋ ارقىلى جەدەل شتاب جاساقتالدى. سونىمەن قاتار وسىندا 28 تەحنيكا مەن 25 موتوپومپا قامتىلىپ، 1350 قاپشىق پايدالانىلدى. «109» قىزمەتىنە 332 مارتە قوڭىراۋ شالىنىپ، ولاردىڭ بارشاسىنا ءتيىستى شارالار قابىلداندى.

بۇدان بولەك، الەۋمەتتىك جەلىلەر ارقىلى 100 ءوتىنىم جاسالدى، بۇل رەتتە بارلىق ماسەلەلەر شەشىلدى. كەشكە قاراي سۋ باسقان نەگىزگى ورىندار قالپىنا كەلتىرىلدى، ال تاڭەرتەڭگە قاراي قالا بويىنشا جۇمىستار اياقتالدى»، - دەدى ب. بايبەك.

ءوز كەزەگىندە ك. ءماسىموۆ الماتىدا نوسەر سالدارىن جويۋ بويىنشا جۇمىستاردى جەكە تەكسەرۋگە نيەتتى ەكەنىن ايتتى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى