ك. ءماسىموۆ دوپينگكە قارسى زەرتحانانى قۇرۋعا قارجى تارتۋ ماسەلەسىن تاپسىردى
«ءبىزدىڭ جانە رەسەيلىك سپورتشىلار، سونداي-اق جالپى وليمپيادالىق قوزعالىس تۇرعىسىندا دوپينگ داۋى اينالاسىندا وتە كوپ ماسەلە كوتەرىلۋدە. قازىرگى كەزدە ءبىزدىڭ كوماندا وليمپيادا ويىندارىنا جانە باسقا دا ءىرى جارىستارعا قاتىسۋعا دايىندالۋدا. سوندىقتان دا، مەن ق ر ۇلتتىق وليمپيادالىق كوميتەتىنە، قۇلىبايەۆ مىرزاعا (ۇ و ك پرەزيدەنتى تيمۋر قۇلىبايەۆ) ءتيىستى ءوتىنىشتى جولداعىم كەلەدى. بىزگە سپورتشىلارىمىز وسى سىناقتان لايىقتى دەڭگەيدە ءوتۋى ءۇشىن بارلىق شارانى ىستەۋىمىز كەرەك»، - دەدى ۇكىمەت باسشىسى مادەنيەت جانە سپورت ءمينيسترى ارىستانبەك مۇحامەدي ۇلىنا قاراتىپ ايتقان سوزىندە.
ك. ءماسىموۆ ءبىرىنشى كەزەكتە جاقسى زەرتحانانى ساتىپ الۋ ءۇشىن جەكە دەمەۋشىلەردى تارتۋ مۇمكىندىگىن تاپسىردى.
«ءبىزدىڭ سپورتشىلار جارىستارعا قاتىسار الدىندا وسى تەستىلەۋدەن ءوتۋى كەرەك. ياعني، بۇل شارالار كەيىننەن توسىن جاعداي ورىن الماس ءۇشىن قاجەت. سونىمەن قاتار، سپورتشىلار بۇل سىناقتان وتكەن كەزدە وزدەرىنە سەنىمدى بولۋى ءۇشىن دە كەرەك بولىپ تۇر»، - دەدى ول.
اۆتور: رۋسلان عابباسوۆ
