قازاقستاندا اراقتى ەڭ كوپ تۇتىناتىندار تۇراتىن قالا انىقتالدى
بۇل تۋرالى «31- ارنا» حابارلايدى.
بۇل ءوز كەزەگىندە قىلمىس دەڭگەيىنىڭ كۇرت وسۋىنە دە اسەرىن تيگىزەتىنى بەلگىلى.
سۆەتلانا كوۆلياگينا پاۆلوداردا قىرىق جىلدان بەرى تۇرىپ كەلە جاتىر. ءۇي جانىندا ەكى مەيرامحانا اشىلعالى بەرى ونىڭ ءومىرىنىڭ مازاسى قاشقان. ءتۇنى بويى القاشتاردىڭ ايعايى مەن ۋ-شۋىن تىڭداپ شىعۋعا ءماجبۇر.
«بۇگىن كوپتەگەن كولىك كەلىپ، داڭعازا مۋزىكا ويناپ تۇردى. مەيرامحانادان كىل قىزدار شىعىپ، ايقايلادى، بيلەدى. اقىرى بولماعان سوڭ پوليتسيا شاقىرۋعا تۋرا كەلدى»، - دەيدى قالا تۇرعىنى سۆەتلانا كوۆلياگينا.
حالىقپەن كەزدەسۋ وتكىزگەن وبلىستىق ءى ءى د باسشىسى مارات قوجايەۆقا تۇرعىندار تەك ساۋال عانا قويماي، بىرنەشە ۇسىنىس تا جاساعان. ونىڭ ايتۋىنشا، ىشىمدىك ءوندىرۋشى مەكەمەلەر مەن قىلمىستىق ستاتيستيكا اراسىندا تىكەلەي بايلانىس بار ەكەن. وسى جىلى قىلمىس سانى 16 پايىزعا دەيىن وسكەن.
«الكوگولدى ىشىمدىكتى قابىلداۋ بويىنشا پاۆلودار وبلىسى وسىمەن بىرنەشە جىل قاتارىنان الدىڭعى ورىندا تۇر»، - دەيدى ءى ءى د باسشىسى مارات قوجايەۆ.
دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە، قازاقستانداعى اششى سۋ سىلتەۋشىلەر سانى رەسەي مەن ەۆروپا ەلدەرىنە قاراعاندا از. الايدا ورتالىق ازيا ەلدەرىمەن يىق تىرەستىرە الادى. 15 جاستان اسقان ءاربىر قازاقستاندىقتىڭ باسىنا 6 ليتر تازا سپيرتتەن كەلەدى ەكەن. بۇل جالپى پلانەتا ماسشتابى دەڭگەيىندە ورتاشا كورسەتكىش.
پاۆلوداردىڭ ەلىمىزدەگى ەڭ «القاش» قالا ەكەنىن دارىگەرلەر دە راستايدى. مەديتسينالىق ايىقتىرعىش ورتالىعىندا ءار كەش سايىن انشلاگ دەپ ازىلدەيدى ولار. كليەنتتەردىڭ كوبىسى ءتۇن اۋعاندا تۇسەدى ەكەن. ادام ساۋىققاننان كەيىن ولاردى ۇيلەرىنە قايتارادى. ال اۋىر جاعدايدا بولسا توكسيكولوگيالىق بولىمگە جىبەرەدى. مۇندا تاۋلىگىنە 50 ادامعا دەيىن تۇسەدى ەكەن. بۇل قازاقستان بويىنشا وتە جوعارى كورسەتكىش.
«مەديتسينالىق ايىقتىرعىشقا ءتۇسۋ بويىنشا - پاۆلودار وبلىسىنىڭ تۇرعىندارى ەل بويىنشا الدىڭعى قاتاردا. وسى جىلدىڭ وزىندە 30 مىڭ ادامدى قابىلدادىق. ەڭ ۇلكەن الماتىنىڭ وزىندە بۇل ستاتيستيكا 10 مىڭ ادامدى كورسەتەدى»، - دەيدى وبلىستىق ناركوديسپانسەردىڭ باس دارىگەرى گۇلنار سماعۇلوۆا.
ەندى قالاداعى ءتارتىپ ساقشىلارى ورناتىلاتىن بەينەباقىلاۋ كامەرالارىن كوبەيتۋگە نيەت تانىتىپ وتىر. ونىڭ قانشالىقتى كومەكتەسەرى ازىرگە بەلگىسىز.
