جەر داۋى مەن اقتوبەدەگى تەراكت قازاقستاننىڭ يميدجىنە كەرى ىقپالىن تيگىزگەن جوق
«جەر ماسەلەسى - قوعامدىق ماڭىزى بار ماسەلە. سوندىقتان، مەملەكەت باسشىسى وسى ىسكە ءوزى ارالاسا وتىرىپ، جەر قوعامنىڭ باستى قۇندىلىعى ەكەنىن كورسەتتى. پىكىر الماسۋ ءۇشىن وركەنيەتتى تۇردە ديالوگ ورناتتىق. قوعام ءۇشىن اسا ماڭىزدى ماسەلەدە ديالوگ ورناتا وتىرىپ، شەت ەلدىك ارىپتەستەرىمىزدىڭ ويىنا جاقسى پىكىر ۇيالاتتىق. سوندىقتان، كەيبىر تاراپتار جاعدايدى ۋشىقتىرا المادى. بۇل ارەكەتىمىز ارىپتەستەرىمىز تاراپىنان جاقسى باعالاندى»، - دەگەن ۆەدومستۆو باسشىسى اقتوبەدەگى جاعداي قازاقستاننىڭ ساياسي يميدجىنە دە كەرى اسەر ەتپەگەنىن ايتتى.
«ال، تەرروريزمگە توقتالساق، مەنىڭ ايتارىم، قازاقستان مەن الەمنىڭ باق- تارى «اقتوبەدەگى جاعداي قازاقستان ءۇشىن وتە سيرەك كەزدەسەتىن قۇبىلىس» ەكەنىن اتاپ ءوتتى. سوندىقتان، مەنىڭ ايتارىم، قۇقىق قورعاۋ ورگاندارىنىڭ جەدەل ءىس- قيمىلى مەن قوعامنىڭ بۇل تەراكتىنى قاتتى ايىپتاۋى مەملەكەتىمىزدىڭ تۇراقتىلىعىن ايقىندادى. مەنىڭ ويىمشا، بۇل جاعدايلار قازاقستاننىڭ يميدجى مەن ينۆەستيتسيالىق كليماتىنا كەرى ىقپالىن تيگىزگەن جوق. كەرىسىنشە، جەر داۋىنداعى قازاقستاننىڭ وركەنيەتتى ءىس- ارەكەتى مەن اقتوبە تەراكتىسىندەگى جەدەل ءىس- قيمىل، قازاقستان حالقىنىڭ ىنتىماعى مەن بىرلىگى شەتەلدىك ارىپتەستەرىمىز تاراپىنان جوعارى باعالاندى. اقتوبەدەگى جاعداي قازاقستاننىڭ ساياسي يميدجىنە دە، ينۆەستيتسيالىق كليماتىنا دا كەرى اسەر ەتكەن جوق دەپ ايتا الامىن»، - دەدى ە. ىدىرىسوۆ.
اۆتور: كەنجەكەي توقتامۇرات قىزى
