اقتوبەدەگى تەراكتىگە ينتەرنەت ارقىلى د ا ي ش باسشىسى «تاپسىرىس» بەرگەن
بۇل تۋرالى كەشە حالىق الدىندا ەسەپ بەرگەن ق ر سىرتقى ىستەر ءمينيسترى ەرلان ىدىرىسوۆ ءمالىم ەتتى.
«ءبىزدىڭ انىقتاعانىمىزداي، قاسيەتتى رامازان ايىنىڭ قارساڭىندا د ا ي ش دەپ تىركەلگەن توپتىڭ ادناني دەگەن باسشىسى ءوزىنىڭ ارتىنان ەرگەندەرگە ينتەرنەت ارقىلى زورلىق- زومبىلىق جاساۋدى تاپسىرعان. بۇنى قۇقىق قورعاۋ ورگاندارى قوعامعا ءتۇسىندىرىپ ءجۇر. مۇسىلمان قاۋىمنىڭ قاسيەتتى ايى باستالايىن دەپ تۇرعان ساتتە ادام ولتىرۋگە تاپسىرىس بەرگەن بۇل توپتىڭ جيىركەنىشتى ماقساتى ءبىلىنىپ قالدى»، - دەدى ەرلان ىدىرىسوۆ.
سىرتقى ىستەر ءمينيسترى حابارلاعانداي، قازىر قازاقستاننىڭ قۇقىق قورعاۋ ورگاندارى ءتيىستى جۇمىس جۇرگىزىپ جاتىر. جاعداي تۇراقتانىپ، وزگە ەلدەرمەن ءوزارا ءىس- قيمىل ورناتىلعان.
«بۇنداي تراگەديا ەندى قاتالانبايدى دەپ ۇمىتتەنەمىز. مەملەكەت باسشىسىنىڭ توراعالىعىمەن وتكەن قاۋىپسىزدىك كەڭەسىنىڭ وتىرىسىندا كوپ تاپسىرمالار ايتىلىپ، ماڭىزدى ماسەلەلەر قوزعالدى»، - دەدى ە. ىدىرىسوۆ.
اۆتور: كەنجەكەي توقتامۇرات قىزى
