قوستانايلىق ستۋدەنت قىز تۇركياداعى سۇلۋلىق بايقاۋىندا توپ جاردى - فوتو
مۇنداي جوعارى دەڭگەيدە العاشقى رەت باق سىنىعان ديانانىڭ قۋانىشىندا شەك جوق.
بۇل تۋرالى قوستاناي تاڭى حابارلايدى.
تۇركيانىڭ بودرۋم قالاسىندا وتكەن «ميسس اپوللون» سايىسىنا ا ق ش، ەكۆادور، لاتۆيا، ۋكراينا، رەسەي سىندى ەلدەردەن 15 ۇمىتكەر قاتىسقان بولاتىن. دياناعا اقىلى جاعىنان دا، كوركى تۇرعىسىنان دا تەڭ كەلەر ەشبىرى بولمادى. وسىلايشا، قازاقى سۇلۋلىقتى ايداي الەمگە پاش ەتتى.
جالپى، ماۋسىم ايى ديانا ءۇشىن ساتتىلىككە تولى بولدى. سەبەبى، ەلگە ورالعاندا ونى تاعى ءبىر ماراپات كۇتىپ تۇرعان ەدى. ول عالامتور ارقىلى داۋىس بەرۋ ناتيجەسىندە «اۆتولەدي قوستاناي» اتاعىنا يە بولدى.
مۇنداي ءىرى بايقاۋلار ستۋدەنت قىزدىڭ ءبىلىم الۋىنا ەش كەدەرگى كەلتىرىپ جاتقان جوق. كەرىسىنشە، ديانانىڭ ۇلگىرىمى جاقسى، كوللەدجدىڭ ەڭ ۇزدىك شاكىرتتەرىنىڭ ءبىرى. قوعامدىق ءىس-شارالارعا بەلسەنە قاتىسىپ، اۋقىمدى مەرەكەلىك كونسەرتتەردىڭ جۇرگىزۋشىسى بولىپ كوزگە ءتۇسىپ ءجۇر.
ال، نەگىزگى ماماندىعى - ءبيداي ءوندىرۋ تەحنيك-تەحنولوگى. بۇگىندەرى ءوزى ءبىلىم الاتىن وقۋ ورىنىنا دەگەن العىسى شەكسىز. كوللەدج ۇجىمى كەرەك كەزىندە قارجىلاي كومەك كورسەتىپ، دەمەۋشىلىك جاساعان. قازىر شاكىرتتەرى شەت ەلدەرگە ءجيى شىعاتىندىقتان اعىلشىن ءتىلىن وقىتۋ كۋرسىنا تەگىن جولداما دا سىيعا تارتىپ وتىر.
