جاپونيا مەن ا ق ش قازاقستاندا يادرولىق قاۋىپسىزدىك جونىندەگى وقۋ ورتالىعىن قۇرۋعا قولداۋ بىلدىرەدى - يتيرو كاۆەباتا

بۇگىن «مانيفەست. الەم. ХХІ  عاسىر» عالامدىق دامۋ قاۋىپسىزدىگىنىڭ جاڭا پاراديگماسى» اتتى حالىقارلىق فورۋم بارىسىندا جاپونيانىڭ قازاقستانداعى توتەنشە جانە وكىلەتتى ەلشىسى يتيرو كاۆەباتا وسىلاي ءمالىم ەتتى.

ەلشىنىڭ ايتۋىنشا، بۇنداي ورتالىقتى اشۋ اعىمداعى جىلدىڭ اياعىنا قاراي جوسپارلانعان. «دەگەنمەن، بيىلعى جىلعى ماۋسىم ايىنىڭ باسىندا حالىقارالىق عىلىمي-تەحنيكالىق ورتالىقتىڭ شاقىرۋىمەن جاپونياعا قازاقستاندىق دەلەگاتسيا كەلىپ كەتتى. قازاقستاننىڭ ەنەرگەتيكا مينيسترلىگى اتومدىق جانە ەنەرگەتيكالىق قاداعالاۋ كوميتەتى يادرولىق قورعاۋ باسقارماسىنىڭ باسشىسى مارات شالدىبايەۆ باسقارعان دەلەگاتسيا جاپونيانىڭ يادرولىق تاراتپاۋ جانە قۋىپسىزدىكتى قولداۋدىڭ ينتەگراتسيالانعان ورتالىعى ۇيىمداستىرعان وقۋ كۋرسىنا قاتىستى.

«جالپى جاپونيا تاراپى ا ق ش ەنەرگەتيكا مينيسترلىگىمەن بىرلەسە وتىرىپ، يادرولىق قاۋىپسىزدىك جونىندەگى وقۋ ورتالىقتارىن باسقارۋ بويىنشا ىنتىماقتاستىقتى ودان ءارى دامىتۋعا مۇددەلى. ءبىز وسىناۋ ورتالىق قازاقستاننىڭ عانا ەمەس، تۇتاستاي ورتالىق ازيا ءوڭىرىنىڭ دامۋىنا ۇلكەن ۇلەس قوسادى دەپ ەسەپتەيمىز»، - دەدى ەلشى.

ءسوز اراسىندا يتيرو كاۆەباتا 29 ماۋسىم كۇنى جاپونيانىڭ يوكوگاما قالاسىندا جاڭارتىلاتىن ەنەرگيا كوزدەرى جونىندەگى Ⅺحالىقارالىق كورمە وتەتىنىن حاباردار ەتتى. «ءبىز ونىڭ بارىسىندا قازاقستاندىق ەكسپوزيتسيانى ورنالاستىرۋعا كومەك كورسەتۋدى جوسپارلايمىز. جالپى اتالمىش شارا نازاربايەۆ ۋنيۆەرسيتەتى مەن جاپونياداعى ج و و- لار مەن كومپانيالار اراسىنداعى زەرتتەۋلەر مەن ءبىلىم بەرۋ باعىتىنداعى تاجىريبە الماسۋعا زور سەپتىگىن تيگىزبەك»، - دەدى ەلشى.

كونفەرەنتسياعا حالىقارالىق عىلىمي-تەحنيكالىق ورتالىق ساراپشىلارى دا قاتىسقان بولاتىن. اتالعان ورتالىق ەۋروپالىق وداق، جاپونيا، رەسەي جانە ا ق ش مەملەكەتتەرىنىڭ اراسىنداعى كەلىسىم نەگىزىندە 1992-جىلدىڭ قاراشاسىندا قۇرىلعان ۇكىمەتارالىق مەكەمە بولىپ تابىلادى. قازاقستان حالىقارالىق عىلىمي-تەحنيكالىق ورتالىقپەن ىنتىماقتاستىق تۋرالى كەلىسىمگە 1995-جىلى قوسىلعان بولاتىن. ال 2015-جىلى 9- جەلتوقساندا استانا قالاسىندا حالىقارالىق عىلىمي-تەحنيكالىق ورتالىقتىڭ قىزمەتىن جالعاستىرۋ تۋرالى كەلىسىمگە قول قويىلدى. وسىدان باستاپ قازاقستان قابىلداۋشى مەملەكەت مارتەبەسىنە يە بولىپ، شتاب-پاتەرى استانادا ورنالاستى.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى