پاۆلودارلىق دارىگەرلەر وپەراتسيا جاسايتىن ناۋقاستى ۇيىقتاتۋدىڭ جاڭا ءتاسىلىن جەتىلدىردى
قازىرگى ۋاقىتتا قازاقستاننىڭ دەنساۋلىق سالاسى دامىپ، بۇل باعىتتاعى وزىق ەلدەرمەن تاجىريبە الماساتىن جاعدايعا جەتتى.
رەسپۋبليكا تۇرماق، وڭىرلەردە دە جاڭاشىلدىقتار جەتىپ ارتىلادى. سونىڭ ءبىرى - پاۆلوداردىڭ كارديوحيرۋرگيالىق ورتالىعى قازاقستاندا العاش بولىپ جاڭا ينتراوپەراتسيالىق جۇيەنى ەنگىزدى. بۇل جۇرەككە وپەراتسيا جاساۋدا ناۋقاستى ۇيىقتاتۋ ءۇشىن كەرەك. انەستەزيانى قولدانۋدىڭ تىڭ ءتاسىلى بۇگىندە كەڭىنەن قولدانىسقا ەنگەن.
پاۆلوداردىڭ كارديوحيرۋرگيالىق ورتالىعى قازاقستاندا العاش بولىپ ينتراوپەراتسيالىق ءتاسىلدى قولعا الدى. وندىرۋشىلەر ۇسىنعان جۇيەنى جان- جاقتى زەرتتەي كەلە انەستەزيولوگ- رەانيماتولوگ يننا گلوۆاتسكايانىڭ جەتەكشىلىگىمەن ءبىر توپ دارىگەر وپەراتسيا جاسايتىن ناۋقاستى ۇيىقتاتۋدىڭ جاڭا ءتاسىلىن جەتىلدىردى.
يننا گلوۆاتسكايا، وبلىستىق كارديولوگيالىق ورتالىقتىڭ انەستەزيولوگ-رەانيماتولوگ دارىگەرى:
- بۇل فيزيولوگيالىق ۇيقىعا ءتان كەلەتىن جاڭا ءتاسىل. ناۋقاس ەسىن ءبىلىپ جاتادى جانە بايلانىستا بولادى. ءبىراق وزىنە بەكىتىلگەن قانداي دا ءبىر قۇرىلعىلاردى قوزعاپ، جۇمىسقا كەدەرگى جاسامايدى.
2014 -جىلى فينليانديادا كارديوانەستەزيولوگتاردىڭ ەۋروپالىق كونگرەسىندە يننا گلوۆاتسكايا ۇسىنعان جاڭاشىلدىققا الەمنىڭ جەتەكشى كارديوحيرۋرگتارى قولداۋ بىلدىرگەن. وسىلايشا، قازاقستاندىق ماماننىڭ ەمدەۋ ءتاسىلى جاڭا پرەپاراتتىڭ نەگىزىنە اينالدى.
وراز مۇقاشيەۆ، وبلىستىق كارديولوگيالىق ورتالىقتىڭ ديرەكتورى:
- بۇل دارىگەر ءبىزدىڭ ورتالىققا يننوۆاتسيالىق تەحنولوگيالاردى ەنگىزىپ وتىر. جۋىردا عانا ءبىز ەمدەلۋشىنىڭ دەنساۋلىعىنا حالىقارالىق دەڭگەيدە مونيتورينگ جۇرگىزىپ، ونىڭ ساۋىعىپ كەتۋىنە كومەكتەسەتىن ۋزي اپپاراتىن الدىق. زاماناۋي قۇرىلعى كاتەتەر قويىلاتىن تامىرلاردى انىقتايدى. بۇرىن ءبىز ونى قولمەن ىزدەيتىنبىز.
2011 -جىلدان بەرى يننا گلوۆاتسكايا انەستەزيولوگيا- رەانيماتسيا سالاسىندا اككرەديتاتسياعا يە بولعان تاۋەلسىز ساراپشى اتاندى. انا مەن بالا ءولىمى بويىنشا پاۆلوداردا عانا ەمەس، شىعىس قازاقستان جانە قاراعاندى وبلىستارىندا كۇردەلى ساراپتامالار جاسايدى.
مۇرات رايحانوۆ، وبلىستىق كارديولوگيالىق ورتالىقتىڭ ءبولىم مەڭگەرۋشىسى:
- مامان رەتىندە بۇل كىسى ءبىر جەردە توقتاپ قالمايدى. ۇنەمى ىزدەنىس، وقۋ ۇستىندە. كوپتەگەن حالىقارالىق شەبەرلىك ساعاتتارعا قاتىسىپ، ءبىزدىڭ تاجىريبەمىزگە يننوۆاتسيالىق جوبالاردى تابىستى ەنگىزىپ كەلەدى.
يننا گلوۆاتسكايا ەلەكتروندى دەنساۋلىق ساقتاۋ رەسپۋبليكالىق ورتالىعىندا دارىگەرلەردىڭ كاسىبي بىلىكتىلىگىن انىقتايتىن تەستتى جەتىلدىرۋگە اتسالىستى. بىلىكتى مامان جاس دارىگەرلەردى ۇيرەتۋدەن جالىققان ەمەس. جاۋاپكەرشىلىك جۇگىن ارقالاعان ۇزاق جىلدار ىشىندە جيعان- تەرگەنىن جاس انەستەزيولوگ- رەانيماتولوگتاردىڭ بويىنا ءسىڭىرۋ ۇستىندە.
www.24.kz
