ريو- دە- جانەيرودا وليمپيادا الدىندا قارجىلىق توتەنشە جاعداي جاريالاندى
وسىلايشا، ايماق اكىمشىلىگى الەمدىك دوداعا قوسىمشا اقشا ءبولۋدى سۇراعان، دەپ حابارلايدى 24.kz.
اقشا قاراستىرىلماعان جاعدايدا دەنساۋلىق ساقتاۋ، ءبىلىم بەرۋ، قوعامدىق كولىك پەن قاۋىپسىزدىك سياقتى الەۋمەتتىك سالالار تولىق كۇيرەۋى مۇمكىن.
ايتا كەتەيىك، برازيليانىڭ بيۋدجەتى باعاسى قۇلدىراعان مۇناي وندىرىسىنە تولىقتاي تاۋەلدى. ءبىراق ۇلتتىق وليمپيادا كوميتەتى قارجىلىق توتەنشە جاعداي ويىنداردىڭ وتۋىنە كەدەرگى كەلتىرمەيدى دەيدى، سەبەبى حالىقارالىق سايىسقا قاراجاتتى جەكەلەگەن ينۆەستورلار قۇيادى.
«قارجىلىق جاعدايدى تۇزەتۋ ءۇشىن قاتاڭ شارالار قابىلداۋ كەرەك. ۇكىمەت شتاتپەن بىرگە قالا جۇمىسىنداعى دەنساۋلىق ساقتاۋ جۇيەسى مەن ءتارتىپتى قامتاماسىز ەتۋ ماسەلەرىن شەشۋگە جەتكىلىكتى كوڭىل ءبولۋى ءتيىس»، - دەيدى ريو- دە- جانەيرو شتاتىنىڭ گۋبەرناتورى فرانسيشكۋ دورنەلليش.
