رەسپۋبليكالىق ات ۇستىندەگى شوگەن تۋرنيرىندە تارازدىقتار قارىمتا قايتاردى - فوتو
بۇل تۋرالى جامبىل وبلىسى اكىمدىگىنىڭ سپورت جانە دەنە شىنىقتىرۋ باسقارماسىنىڭ باسپا ءسوز قىزمەتىنەن حابارلادى.
3 كۇندىك جارىسقا 4 كوماندا - تارازدىق «اۋليە- اتا»، «استانا پولو كلۋب»، اقمولا جانە الماتى وبلىسىنىڭ قۇرامالارى قاتىستى.
ءبىرىنشى ويىندا الاڭ يەلەرى اقمولا وبلىسىنىڭ كومانداسىن 7:1 ەسەبىمەن جەڭدى. تۋرنيردىڭ فاۆوريتى «استانا پولو كلۋب» الماتى وبلىسىنىڭ وكىلدەرىن 6:0 ەسەبىمەن جەڭدى.
جارتىلاي فينالدا تارازدىقتار الماتى وبلىسىنىڭ قۇراماسىمەن كەزدەستى. ويىن الاڭ يەلەرىنىڭ پايداسىنا 6:2 ەسەبىمەن شەشىلدى.
سونداي-اق، جارتىلاي فينالدا «استانا پولو كلۋب» اقمولا وبلىسىنىڭ وكىلدەرىنەن باسىم ءتۇستى. ەسەپ 9:2.
ءۇشىنشى ورىن ءۇشىن تالاستا 3:2 ەسەبىمەن اقمولا وبلىسىنىڭ كومانداسى جەڭدى.
فينالدا تارازدىق «اۋليە- اتا» مەن ەلوردالىق «استانا پولو كلۋب» كەزدەستى. ويىن تارتىستى ءوتتى. ويىننىڭ سوڭعى مينۋتتارىندا الاڭ يەلەرى قارسىلاس شوگەنشىلەر قاقپاسىنىڭ كىلتىن تاۋىپ شەشۋشى گول سوقتى. وسىلايشا ويىن 5:4 ەسەبىمەن اياقتالدى.
مامىر ايىنداعى جارىستا جەڭىلگەن تارازدىقتار بۇل جولى ەسە قايتاردى.
جۇلدەگەرلەر مەدالدار مەن ديپلومدارعا، سونىمەن قاتار، تۋرنير دەمەۋشىسى «سامۇرىق قازىنا» كومپانياسىنىڭ سىياقىلارىنا يە بولدى. جەڭىمپازدارعا 450 مىڭ تەڭگە، ەكىنشى ورىن يەگەرلەرىنە 250 مىڭ، ءۇشىنشى ورىن ءۇشىن - 150 مىڭ بەرىلدى. ال ءتورتىنشى قاتىسۋشى ۇيىنە 100 مىڭ تەڭگەمەن قايتتى، دەپ حابارلادى وبلىستىق سپورت جانە دەنە شىنىقتىرۋ باسقارماسى.
