الاكولدەگى دەمالىس ورىندارى دامىپ كەلەدى - فوتو

جىل سايىن ماۋسىم ايىنىڭ ورتاسىندا مۇندا دەمالۋشىلار ەلىمىزدىڭ تۇكپىر- تۇكپىرىنەن اعىلادى.

«بيزنەستىڭ جول كارتاسى-2020» باعدارلاماسى قازاقستاندا تۋريزمدى دامىتۋعا، سالالىق يندۋستريانى دامىتۋعا، سونىڭ ىشىندە جاڭا تۋريستىك باعىتتاردىڭ اشىلۋىنا، جەرگىلىكتى كورىكتى مەكەندەردىڭ ىشكى جانە سىرتقى تۋريستەرگە ناسيحاتتالۋىنا زور ۇلەس قوسىپ كەلەدى.

الاكول - الماتى جانە شىعىس قازاقستان وبلىسىنىڭ اۋماعىندا ورنالاسقان تۇيىق كول، قازاقستانداعى ەڭ عاجايىپ كولدەردىڭ ءبىرى.

سونىمەن قاتار اۋماعى 20 مىڭ گەكتاردان اساتىن بۇل ولكەگە دەنساۋلىعىن تۇزەتكىسى كەلەتىندەردەن باسقا، تەڭدەسى جوق كولدە شومىلۋ مەن بالىق اۋلاعاندى ۇناتاتىندار كەلەدى.

ورتا عاسىرلاردا "گۋرگەنور"، كەيىن "الاكتوگول"، "الاتەڭىز"، "الاكتا" دەپ تە اتالعان. الاكول - جەتىسۋدىڭ بالقاشتان كەيىنگى ۇلكەن كولى. ول الاكول اۋدانىنىڭ سولتۇستىك- شىعىس بولىگىن الىپ جاتىر. كول اعىنسىز، سولتۇستىك- باتىستان وڭتۇستىك- باتىسقا قاراي سوزىلىپ جاتىر. تەڭىز دەڭگەيىنەن 247,3 م ابسوليۋتتىك بيىكتىكتە ورنالاسقان. كولدىڭ ارالدارىمەن قوسا ەسەپتەگەندەگى اۋماعى 2696 ك م2، ۇزىندىعى 104 ك م، ەڭ شىعىڭقى ەنى 52 ك م، جاعالاۋلارىنىڭ ۇزىندىعى 384 ك م، ورتاشا تەرەڭدىگى 22,1 م، ەڭ تەرەڭ جەرى 54 م، كولدىڭ سۋ كولەمى 58-60 ك م3. سۋ جينالاتىن الابى 47859 ك م2. الاكولدىڭ ەڭ ءىرى شىعاناعى - الاكول شىعاناعى. ول كولدىڭ وڭتۇستىك- شىعىسىنداعى تاۋ ارالىق ويىستا ورنالاسقان.

جەرگىلىكتى دەمالىس ورىندارىنىڭ يەلەرى الاكول ىستىق كولگە تاماشا بالاما بولا الاتىنىن ايتادى. ولاردىڭ ءبىرى الەكساندر يۋريەۆيچ جاعالاۋدا ادامدارعا ويىن- ساۋىق ۇيىمداستىرۋ بيزنەسىن دوڭگەلەتىپ كەلەدى. ول مەملەكەتتىك باعدارلامانىڭ قولداۋىمەن جولاۋشىلار كاتەرىن ساتىپ العان. وسىلايشا تۋريستەردىڭ، دەمالۋشىلاردىڭ دەمالىسىن قىزىقتى ەتۋگە اتسالىسىپ كەلەدى. قازىرگى كەزدە «ب ج ك-2020» باعدارلاماسىنىڭ ارقاسىندا ونىڭ كاسىبى كەڭەيىپ جاتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى