پەنتاگون: رەسەي سيريادا ا ق ش- قا وداقتاس كۇشتەرگە سوققى بەرگەن
امەريكالىق بۇقارالىق اقپارات قۇرالدارىنىڭ حابارلاۋىنشا، رەسەيلىك اۋە كۇشتەرى پەنتاگون دايىنداعان جانە جاراقتاندىرعان سيريالىق وپپوزيتسيا جاساقتارىنا سوققى بەرگەن.
سيريالىق وداقتاستارىن اۋەدەن قورعاۋعا ەكى اسكەري ۇشاعىن جىبەرگەن ا ق ش اسكەري باسشىلىعى «جەدەل جەلى» ارقىلى رەسەيلىك اسكەريلەرمەن حابارلاسىپ، وداقتاستارىنا شابۋىل جاساۋدى دوعارۋعا شاقىرعان. امەريكالىق ۇشاقتار جانارماي الۋعا كەتكەن كەزدە رەسەيلىك ۇشاقتار كوتەرىلىسشىلەر پوزيتسيالارىنا تاعى شابۋىلداعان دەپ حابارلايدى ا ق ش اقپارات قۇرالدارى.
CNN تەلەكومپانياسى اتى- ءجونى كورسەتىلمەگەن پەنتاگون وكىلىنىڭ: «رەسەيدىڭ سوڭعى شارالارى ەلەۋلى قاۋىپ تۋدىرىپ وتىر. ءبىز رەسەيدىڭ مۇنداي ارەكەتتەرگە نەلىكتەن بارعانىن ءتۇسىندىرۋىن جانە الداعى ۋاقىتتا قايتالانبايدى دەپ ءسوز بەرۋىن كۇتەمىز» دەگەن ءسوزىن كەلتىرگەن. بۇل وقيعا تۋرالى ساۋالعا جاۋابىندا ا ق ش قورعانىس ءمينيسترى ەش كارتەر مۇنداي ءىس- ارەكەتتەردىڭ رەسەيدىڭ مىندەتتەمەلەرىنە قايشى ەكەنىن ايتقان.
«ازاتتىق»
