الماتىدا وزەنگە اعىپ كەتكەن ءسابيدىڭ اتا- اناسى بەس جىلعا تۇرمەگە توعىتىلۋى مۇمكىن

الما- اراسان شاتقالىندا دەمالعان ەرلى- زايىپتىلار كىشكەنتاي بالاسىن 15 جاستاعى قىزىنا ۇستاتادى. قىز بالا وزەن ماڭىندا فوتوعا تۇسپەك بولعاندا اياعى تايىپ، قولىنداعى ءسابيدى وزەنگە قۇلاتىپ العان.

وزەننىڭ قاتتى اعىسى نارەستەنى سول ساتتە اعىزىپ اكەتكەن. ال سول ارادا اتا- اناسى الما- اراسان شاتقالىنداعى كافەدە دەمالىپ وتىرعان. پولتسيەيلەرگە حابار بەرىلىپ، كەشكى التىدا ىزدەۋ شارالارى ۇيىمداستىرىلدى.

«قىلمىستىق كودەكستىڭ 141 بابى بويىنشا سوتالدى تەرگەۋ باستالدى. بۇل - كامەلەتكە تولماعان بالالاردىڭ قاۋىپسىزدىگىن قامتاماسىز ەتۋدەگى مىندەتتىڭ دۇرىس اتقارىلماعانى»، - دەيدى الماتى ءى ى د- ءنىڭ رەسمي وكىلى سالتانات ازىربەك.

نارەستەنىڭ ءمايىتى 15 - مامىر كۇنى بوگەتتىڭ ماڭىنان تابىلعان. ال سابيىنە باس- كوز بولماعان ەرلى- زايىپتىلار ەندىگى بەس جىلىن تۇرمەدە وتكىزۋى مۇمكىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى