تارازدا «ۇمىت بولعان ۇلتتىق تاعامدار» بايقاۋىنىڭ شەشۋشى كەزەڭى ءوتتى - فوتو
ءىس- شاراعا قاتىسقان مەملەكەتتىك حاتشى گۇلشارا ءابدىقالىقوۆا بۇل ءبىزدىڭ كوپجىلدىق داستۇرلەرىمىزدى ساقتاپ، ناسيحاتتاۋعا اسا قاجەتتى ەكەندىگىن اتاپ ءوتتى، - دەپ جازادى 24.kz.
14 وبلىس پەن استانا، الماتى قالالارىنان جينالعان اسپازدار كوپشىلىككە وزدەرى دايىنداعان، بۇگىندە ۇمىت بولعان اس تۇرلەرىن كورسەتتى. ول ءۇشىن ماماندار ەل ءىشىن ارالاپ، كونەنىڭ كوزىن كورگەن قاريالارمەن تىلدەستى.
سونداي- اق، تاراز تورىندە نەوفولكلور ستيلىندەگى ديزاينەرلەر سايىسى دا ۇيىمداستىرىلدى. وندا قولونەر شەبەرلەرى ۇلتتىق ويۋ- ورنەكتەردى قازىرگى زاماناۋي كيىم- كەشەككە قولدانۋ، ءتۇرلى ماتادان كويلەك جاساۋ تاسىلدەرىمەن ءبولىستى.
- ۇمىت قالعان، ءبىراق ءبىز تاۋىپ الىپ، قايتا جاڭعىرتقان تاعامداردى ارنايى كىتاپشا قىلىپ دايىنداپ، ەل ىشىندە تاراتاتىن بولامىز. بۇل ءبىزدىڭ داستارحانىمىزدىڭ قانداي باي بولعانىن تانىتۋعا دا اسا كەرەك دۇنيە. ال ۇلتتىق ويۋ- ورنەكپەن ورنەكتەلگەن كيىمدەرىمىز «استانا ەكسپو-2017» كورمەسىنە كەلگەن تالاي قوناقتى تاڭقالدىرارى ءسوزسىز، - دەدى وبلىس اكىمى جانىنداعى ايەلدەر ىستەرى جانە وتباسى- دەموگرافيالىق ساياسات جونىندەگى كوميسسيا حاتشىسى ايمان كاريموۆا.
