الماتىدا «الدار كوسە» كومپيۋتەرلىك ويىنىنىڭ تۇساۋى كەسىلدى
بۇل ويىن تەك كوڭىل كوتەرۋ ءۇشىن جاسالماعان. سونىمەن قاتار، ويىننىڭ ءار ءتۇرلى دەڭگەيلەرىنەن ءوتۋ ءۇشىن جاس پايدالانۋشىلار ماتەماتيكالىق ەسەپتەردى شەشىپ، مەكتەپ باعدارلاماسى بويىنشا ءار ءتۇرلى سۇراقتارعا جاۋاپ بەرۋلەرى ءتيىس.
«ال بۇل، مەكتەپتە العان ءبىلىمدى ەستە ساقتاۋعا مۇمكىندىك بەرەدى.
جالپى، وسى قىزىقتى ويىن بارىسىندا ءتىل ۇيرەنۋ ۇدەرىسى جۇرگىزىلەدى. ويىن بارىسىندا پايدالانۋشى ەكرانعا قايتا- قايتا شىعىپ تۇراتىن سوزدەر مەن سويلەمدەر ارقىلى ءتىل ۇيرەنەدى»، - دەدى ويىندى ازىرلەۋشىلەردىڭ ءبىرى ماريام وسپانوۆا.
وسىلايشا، پايدالانۋشى وسى ويىن ارقىلى ءتىل ۇيرەنەدى. ال بۇل ۇدەرىس، ويىن بارىسىندا قىزىقتى ءبىر سيۋجەت نەمەسە وقىلاتىن ءسوز اياسىندا جۇرگىزىلەدى.
«الدار كوسە» ويىنى بارىسىندا قازاق حالقىنىڭ تاريحى، مادەنيەتى، تۇرمىس- تىرشىلىگى باياندالادى جانە وسى ويىن ارقىلى قازاق جانە اعىلشىن ءتىلىن مەڭگەرۋگە بولادى.
ال، ويىندى ىسكە قوسۋ ءۇشىن كومپيۋتەر، سمارتفون نەمەسە بەينەكامەراسى بار پلانشەت قاجەت.
ايتا كەتەلىك، تولىقتىرىلعان شىنايىلىق تەحنولوگياسى كومپيۋتەرلىك ويىندا قورشاعان كەڭىستىكتىڭ ەرەكشە جاعدايىن جاساۋعا مۇمكىندىك بەرەدى. بۇل جەردە ونى پايدالانۋشى ءوزىن سول الەمگە ەنىپ كەتكەندەي سەزىنەدى جانە جاڭا تەحنولوگيامەن ءوزارا ارەكەتتەسۋ مۇمكىندىگىنە يە بولادى.
«الدار كوسە» ويىنىن ق ب ت ۋ مۋلتيمەديالىق تەحنولوگيالار ورتالىعىنىڭ قىزمەتكەرلەرى دايارلاعان. ولاردىڭ ىشىندە ق ب ت ۋ ساندىق تەحنولوگيالار اكادەمياسىنىڭ «ساندىق مەديا تەحنولوگيا» باعدارلاماسىن ءتامامداعان تۇلەكتەر بار.
اۆتور: ايبوتا جاپپاربەرگەن
