دەپۋتات مەملەكەتتىك باعدارلامالاردا قوسارلانعان ماقساتتاردى انىقتادى

بۇل تۋرالى ول ق ر پارلامەنتى پالاتالارىنىڭ بىرلەسكەن وتىرىسىندا ايتتى.

«جۇمىسپەن قامتۋدىڭ جول كارتاسى - 2020»، «بيزنەستىڭ جول كارتاسى - 2020»، «نۇرلى جول»، ي د م ب باعدارلامالارىن زەرتتەي كەلە، بارلىقتارىندا قوسارلانعان ماقسات- مىندەتتەر ءتان ەكەنى بايقالدى. بۇل رەتتە وقىتۋ، قايتا وقىتۋ، بىلىكتىلىكتى جوعارىلاتۋ، اۋىلدارعا شاعىن نەسيەلەردى بەرۋ، باسپانا مەن ينفراقۇرىلىم قۇرىلىسى، جۇمىس ورىندارىن قۇرۋ باعىتتارى قامتىلعان. سوندىقتان دا تيىمدىلىكتىڭ دارەجەسىن باعالاۋ وتە قيىن، بارلىعى ورتاق ماسەلەلەرمەن اينالىسۋدا، ال ناتيجە مەن قارجىنى يگەرۋ ايقىن ەمەس»، - دەدى ول.

«وسى باعدارلامالار بويىنشا وتە كوپ جۇمىستار اتقارىلعان سەكىلدى، الايدا ەكونوميكالىق احۋالدىڭ ناتيجەلەرىنە سايكەس، باعدارلامالاردى ورىنداۋ تابىستىلىقتىڭ، ونىمدىلىكتىڭ، ءوندىرىس كولەمىنىڭ ارتۋىنا جانە جۇمىسسىزدىقتىڭ تومەندەۋىنە اسەر ەتكەن جوق. جۇمىسسىزدىق 2014-جىلداعى 5,1 پايىز دەڭگەيىندە قالدى»، - دەدى دەپۋتات.

وسى رەتتە ول ۇكىمەت ستراتەگيالىق جانە باعدارلامالىق قۇجاتتاردى دايارلاۋ، قابىلداۋ مەن جۇزەگە اسىرۋ ماسەلەسىن قاتاڭ باقىلاۋعا الۋى قاجەتتىگىن اتاپ ءوتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى