ماقسات بازاربايەۆ «مۇزارت» توبىنا قايتىپ كەلدى
بۇل تۋرالى Stan.kz حابارلايدى.
2001 -جىلدىڭ ءساۋىر ايىندا قۇرىلعان توپتا العاشقى جىلدارى مەيرامبەك بەسپايەۆ، ساكەن مايعازيەۆ جانە ماقسات بازاربايەۆ ونەر كورسەتتى. 2005 -جىلى توپ قۇرامىنداعى ماقسات بازاربايەۆ جەكە انشىلىككە بەت بۇرىپ، توپتان كەتتى. ءانشىنىڭ بۇل ارەكەتىن تىڭدارماندارى تۇرلىشە ءتۇسىندى. ءبىرى «مەيرامبەكپەن گونورارعا بولا رەنجىستى» دەسە، ەندى ءبىرى بازاربايەۆ مىنەزىنىڭ شاتاق ەكەنىن ايتتى.
وسىلايشا 2005 -جىلى توپقا كەنجەبەك ءجانابىلوۆ الىندى. مۇنىمەن قاتار، 2008 -جىلى «مۇزارت» توبىنىڭ قۇرامى جاندى داۋىستا ءان شىرقاۋ ماقساتىندا اسپاپتارمەن سۇيەمەلدەيتىن مۋزىكاشىلارمەن تولىقتى.
بۇگىندە قازاق ەستراداسىنىڭ كوگىندە جۇلدىزدارى جارقىراپ، كورەرمەننىڭ كوزايىمىنا اينالعان "مۇزارت" توبىنىڭ قۇرىلعانىنا 15 جىل تولدى. توپ ەسەپ بەرۋ كونسەرتىن وتكىزىپ، باس قالامىزدىڭ مادەني وشاقتارىندا تىڭدارماندارىمەن قاۋىشپاق. كونسەرتتە جىگىتتەرمەن بىرگە "مۇزارتتىڭ" ەكس- ءسوليسى ماقسات بازاربايەۆ ءان سالاتىن بولادى.
