يليا يلين ق ح ا- نىڭ قوعامدىق « بىرلىك» التىن مەدالىن يەلەندى

بۇل تۋرالى اسسامبلەيا حاتشىلىعىنىڭ باسپا ءسوز قىزمەتى حابارلادى.

بۇگىن قىزىلورداداعى دوستىق ۇيىندە وبلىستىق قازاقستان حالقى اسسامبلەياسىنىڭ XІX سەسسياسى ءوتىپ، ايماق باسشىسى قىرىمبەك كوشەربايەۆ ەل بىرلىگىن نىعايتۋعا، ەتنوسارالىق تاتۋلىق پەن قوعامدىق كەلىسىمدى قالىپتاستىرۋعا ەلەۋلى ۇلەس قوسقانى ءۇشىن تەڭدەسسىز زىلتەمىرشىگە اسسامبلەيانىڭ جوعارعى ماراپاتىن تابىستادى. «بىرلىك» مەدالىنە سونداي-اق كارىس ەتنومادەني بىرلەستىگىنىڭ ارداگەرى گە حاك ريم لايىق دەپ تانىلدى.

القالى جيىندا وبلىس اكىمى ق ح ا جىلى اياسىندا وڭىردە اتقارىلعان جۇمىستاردى قورىتىندىلاپ، تۇرعىنداردى مەملەكەتتىلىكتى، قوعامداعى بىرلىك پەن ىنتىماقتى نىعايتۋعا شاقىردى. سەسسيا بارىسىندا ءسوز العاندار ەلىمىزدە بولعان سوڭعى وزگەرىستەر، بەيبىتشىلىك پەن كەلىسىمدى نىعايتۋ توڭىرەگىندەگى ويلارىمەن ءبولىستى.

نازاربايەۆ زياتكەرلىك مەكتەبىنىڭ مۇعالىمى، كونگولىق كامس كامۋابادو ابايدىڭ «كوزىمنىڭ قاراسى» ءانىن ورىنداپ، كوپشىلىكتى سەرپىلتىپ تاستادى. وبلىستىق اسسامبلەيانىڭ بارشا قازاقستاندىقتارعا ۇندەۋى جاريالاندى.

جيىن سوڭىندا ق ح ا العىس حاتىمەن انالار كەڭەسىنىڭ، تاتار ەتنومادەني ورتالىعىنىڭ مۇشەسى رايسا سماحانوۆا، گرەك ەتنومادەني ورتالىعىنىڭ مۇشەسى رايسا الحازوۆا، رۋحاني بىرلىكتى نىعايتۋعا ۇلەس قوسقان اياگوز تالپاقوۆالار ماراپاتتالدى.

اۆتور: ەلۋباي اۋەزوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى