اقتوبەدە قازاقتان شىققان العاشقى ايەل دارىگەردىڭ اتىنا كوشە بەرىلدى - فوتو

ول قالا ورتالىعىندا - م. وسپانوۆ اتىنداعى باتىس قازاقستان مەديتسينالىق ۋنيۆەرسيتەتىنىڭ ماڭىندا ورنالاسقان.

بۇگىن مەديتسينا قىزمەتكەرى كۇنىنە وراي تاپسىرىلعان مەديتسينالىق ءۇي اۋلاسىندا ا. دوسجانوۆاعا ءمۇسىن ورناتىلدى. اكىمدىك اققاعاز دوسجانوۆا اتىنداعى دارىگەرلىك سىيلىق تاعايىندادى.

اققاعاز دوسجانوۆا اقتوبە وبلىسىنىڭ تۋماسى، ول 1892-جىلى مارتوك اۋدانى اۋماعىنداعى بورتا كەنتىندە تۋىلعان. تاتار مەكتەبىن جانە ورىنبوردا ايەلدەر گيمنازياسىن بىتىرگەن. سوسىن ماسكەۋ ۋنيۆەرسيتەتىنىڭ مەديتسينالىق فاكۋلتەتىنە ءتۇستى. ازاماتتىق سوعىس جىلدارى جارالانعانداردى ەمدەدى.

كۇيەۋى الىمگەرەي ەرشين ونى بىلاي ەسىنە الدى: «اققاعاز پەدياتر دارىگەر رەتىندە دە، پەداگوگ رەتىندە دە ءوز ءىسىنىڭ شەبەرى بولدى. ورىس، قازاق، تاتار تىلدەرىن جەتىك ءبىلدى».

ول دارىگەر ديپلومىن تاشكەنتتە ورتا ازيالىق ۋنيۆەرسيتەتتى اياقتاعان سوڭ الدى.

1922-جىلى ا. دوسجانوۆا العاشقى قازاق دارىگەر اتاندى.

ونىڭ ۋنيۆەرسيتەتتى اياقتاۋى مەملەكەتتىك دەڭگەيدە اتاپ ءوتىلدى. سول جىلى تۇركىستان مەملەكەتتىك ۋنيۆەرسيتەتىندە ا. دوسجانوۆا اتىنداعى ستيپەنديا تاعايىندالدى.

ارىپتەسى گۇلسىم اسفەندياروۆپەن بىرگە قازاق ايەلدەرى ءۇشىن العاشقى مەدبيكە كۋرسىن اشتى. 39 جاسىندا ول تۋبەركۋلەزدەن كوز جۇمدى.

  

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى