الماتىدا نوسەر جاۋىننىڭ سالدارىنان ءال-فارابي داڭعىلىن سۋ باستى - فوتو

ءتىپتى، ءال-فارابي داڭعىلىنىڭ ۋاقىتشا جابىلعانى تۋرالى حابار بار.

سونىمەن قاتار، قالانىڭ باسقا دا اۋماقتارىندا، اسىرەسە الاتاۋ اۋدانىنىڭ كوپتەگەن ۇيلەرىنىڭ اۋلالارىن سۋ باستى.

الماتى قالالىق توتەنشە جاعدايدار جونىندەگى دەپارتامەنتىنىڭ مالىمدەۋىنشە كەشەلى بەرى «101» كەزەكشى بولىمىنە تۇرعىندار تاراپىنان اۋلالاردى سۋ باسقانى تۋرالى 50 شاقتى قوڭىراۋ شالىنعان. دەگەنمەن، سۋ باسقانى جونىندەگى حابارلاردىڭ ىشىندە 25 تەن استام جاعداي عانا راستالدى. اسىرەسە الاتاۋ اۋدانىنىڭ تۇرعىندارى تاراپىنان كوپ قوڭىراۋ شالىندى. قازىر، الماتى قالالىق ت ج د، اۋداندىق اكىمدىكتەر، الماتى قالاسىنىڭ قۇتقارۋ قىزمەتى بىرلەسىپ، سۋ باسۋ سالدارىن جويۋعا كۇش سالۋدا.

ايتا كەتەلىك، كەشە كەشكە جاۋعان جاڭبىر سالدارىنان جەراستى وتكەلىنىڭ باسپالداعى ارقىلى اققان سۋ الاتاۋ مەترو بەكەتىنە قۇيىلعان ەدى. ءبىراق، مەترو قىزمەتكەرلەرى سۋ باسۋ سالدارىن وزدەرى جويدى.

        

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى