سوت مۇگەدەكتىڭ تالاپ ارىزىن قاناعاتتاندىردى
ءوزىنىڭ تالابىندا ارىزدانۋشى تەكەلى قالالىق سوتىنىڭ 2004 -جىلعى شەشىمىنىڭ نەگىزىندە، 15 جىل بويى تۇرىپ كەلە جاتقان پاتەرى 2001 -جىلعى جالعا بەرۋ شارتىمەن كوممۋنالدىق جەكە مەنشىككە وتكىزىلگەنىن، 2016 -جىلدىڭ اقپان ايىندا ول اتالعان پاتەرگە جالعا الۋ كەلىسىمشارتىن جاساۋ تۋرالى وتىنىشپەن اكىمدىككە جۇگىنگەن، الايدا «تەكەلى قالاسىنىڭ تۇرعىن- ءۇي كوممۋنالدىق شارۋاشىلىعى جانە تۇرعىن- ءۇي ينسپەكسياسى ءبولىمى» مەملەكەتتىك مەكەمەسى وعان جالعا الۋ كەلىسىمشارتىن جاساۋدان باس تارتقانىن كورسەتكەن. مەكەمە ارىزدانۋشىعا كوممۋنالدىق تۇرعىن- ءۇي قورىنان ءۇي الۋعا ەشكىمنىڭ ەرەكشە قۇقىعى جوق دەپ تۇسىندىرگەن. ءبىراق ول تۇرعىن ۇيگە مۇقتاجدار كەزەگىندە تۇرعان.
سوت «تەكەلى قالاسىنىڭ تۇرعىن- ءۇي كوممۋنالدىق شارۋاشىلىعى جانە تۇرعىن-ءۇي ينسپەكتسياسى ءبولىمى» مەملەكەتتىك مەكەمەسىنىڭ تۇرعىن ءۇي جالداۋ شارتىنان باس تارتۋىن زاڭسىز دەپ تانىپ، مەملەكەتتىك مەكەمەنى ارىزدانۋشىنىڭ قۇقىعى، بوستاندىعى مەن مۇددەلەرىن قورعاۋدا جىبەرىلگەن كەمشىلىكتەردى تولىعىمەن سوت شەشىمى زاڭدى كۇشىنە ەنگەن كۇننەن باستاپ ءبىر اي مەرزىمدە جويۋدى مىندەتتەدى. سوت شەشىمى زاڭدى كۇشىنە ەنگەن جوق.
اۆتور: ن. نۋراحمەت
