وڭتۇستىك قازاقستاندا كۇشتى جەلدەن كەلگەن شىعىن زاڭ اياسىندا تولەنەدى
ايماقتىق كوممۋنيكاتسيالار قىزمەتىندە وتكەن بريفينگتە وبلىستىق ت ج د باسشىسى ا. پۋتەيكو مەن وبلىستىق ەنەرگەتيكا جانە تۇرعىن ءۇي- كوممۋنالدى شارۋاشىلىعى باسقارماسىنىڭ باسشىسى م. مارايىم كەلتىرىلگەن شىعىن تەز ارادا قالىپقا كەلتىرىلەتىنىن ءمالىم ەتتى.
ولاردىڭ ايتۋىنشا، بۇگىنگى تاڭدا ونداعى 156 باسپانا كاسىپكەرلەر مەن جەرگىلىكتى تۇرعىنداردىڭ كۇشىمەن قايتا قالپىنا كەلتىرىلگەن.
ال تۇركىستان قالاسىنداعى قاراشىق اۋىلىندا اۋدانى 500 شارشى مەتر 1 مەكتەپ پەن 963,93 شارشى مەتر «اتاتۇرىك» اتىنداعى ءبىلىم ورداسىنىڭ شاتىرى ۇشقان. اتالعان ءبىلىم وردالارىنا كەلگەن شىعىن 12,2 ميلليون تەڭگە.
تۇركىستان قالاسى مەن وتىرار اۋدانى اكىمدەرىنىڭ شەشىمى نەگىزىندە قوس وڭىردە جەرگىلىكتى ماڭىزداعى توتەنشە جاعداي جاريالاندى. بۇل توسىن جاعدايدان كەلگەن شىعىندى زاڭ اياسىندا تولەۋگە مۇمكىندىك بەرەدى.
بۇگىنگى تاڭدا ۇزىلگەن ەلەكتر جەلىلەرى قايتا جالعانىپ، ەلەكتر قۋاتى تولىعىمەن بەرىلدى. سونداي- اق، قوس اۋداندا داۋىلدىڭ سالدارىنان بولعان زالالدى جويۋمەن اينالىساتىن ارنايى توپتار مەن ەرىكتىلەر توبى قۇرىلدى.
ەسكە سالايىق، 14 -ماۋسىم كۇنى تۇندە بولعان كۇشتى جەلدىڭ سالدارىنان وتىرار اۋدانى مەن تۇركىستان قالاسىندا جۇزدەگەن نىساننىڭ شاتىرى ۇشىپ، عيماراتتارعا زيان كەلگەن بولاتىن. قازىر وقيعا ورنىندا ارنايى كوميسسيا جۇمىس ىستەپ جاتىر. ايتا كەتەيىك، اۋداندارداعى جاعداي وبلىس اكىمىنىڭ ءجىتى باقىلاۋىندا.
