حامەنەي: يادرولىق كەلىسىم قايتا قارالسا ونى ورتەۋگە دايىنمىن
بۇعان دەيىن ا ق ش پرەزيدەنتتىگىنە رەسپۋبليكاشىل پارتيا اتىنان تۇسۋگە ۇمىتكەر دونالد ترامپ يرانمەن جاسالعان يادرولىق كەلىسىمدى «اپات» دەپ باعالاپ، ونى قايتا قاراۋعا ۋادە ەتكەن.
ءالي حامەنەي سونىمەن قاتار ا ق ش- تى يراننىڭ بانك پەن ساقتاندىرۋ سالالارىنا سالعان سانكسيالارىن جويماي وتىر دەپ ايىپتاعان. «امەريكالىقتار ءوز مىندەتتەمەلەرىنىڭ ماڭىزدى تۇسىن ورىندامادى» دەگەن حامەنەي.
يراندا بارلىق مەملەكەتتىك ماڭىزى بار ماسەلەدە تۇپكىلىكتى شەشىمدى رۋحاني كوسەم قابىلدايدى.
حالىقارالىق قاۋىمداستىقتىڭ يرانعا سانكسياسى 2015 -جىلى شىلدەدە جاسالعان كەلىسىم بويىنشا جويىلعان. كەلىسىم بويىنشا يران ءوزىنىڭ يادرولىق باعدارلاماسىنان باس تارتقان. دەگەنمەن، ا ق ش سالعان كەيبىر سانكسيالار ءالى كۇشىندە بولعاندىقتان كوپتەگەن بانكتەر يرانمەن جۇمىس ىستەسۋدەن قاۋىپتەنەدى.
www.azattyq.org
