سولتۇستىك قازاقستان وبلىسىنىڭ اكىمى مەكتەپ تۇلەكتەرىن قۇتتىقتادى - فوتو

سالتاناتتى ماراپاتتاۋ جيىنىنا س ق و اكىمى ەرىك سۇلتانوۆ قاتىستى. بۇل تۋرالى ءوڭىر باسشىسىنىڭ باسپا ءسوز قىزمەتى حابارلادى.

قۇتتىقتاۋ سوزىندە ءوڭىر باسشىسى ق ر پرەزيدەنتى ن. نازاربايەۆ ەل دامۋىنداعى جاس ۇرپاقتىڭ رولىنە ەرەكشە ءمان بەرەتىنىن اتاپ ءوتتى.

«سەندەردىڭ وقۋ اياقتاۋلارىڭ ق ر تاۋەلسىزدىگىنىڭ 25 جىلدىعىنا تۇسپا-تۇس كەلىپ تۇر! ءبىز «بەس ينستيتۋتسيونالدىق رەفورمالاردى ىسكە اسىرۋ بويىنشا 100 ناقتى قادام» ۇلت جوسپارىن ىسكە اسىرۋعا كىرىستىك. بۇل باعدارلامالىق قۇجاتتا جاستاردى قولداۋعا باعىتتالعان شارالار كوزدەلگەن»، - دەدى ە. سۇلتانوۆ.

ارتىنشا وبلىس اكىمى 56 تۇلەككە «التىن بەلگى» تابىستادى. 26 سى ۇزدىك ديپلوم الدى. تاعى 24 تۇلەك حالىقارالىق وليمپيادالار جەڭىمپازى، 17 رەسپۋبليكالىق وليمپيادالار جەڭىمپازى اتاندى.

سالتاناتتى باعدارلاما اياسىندا 2017 -جىلدىڭ تۇلەكتەرىنە «ءبىلىم كىتابى» تابىس ەتىلدى، كلاسسيكالىق گيمنازيا تۇلەكتەرى ءداستۇرلى ۆالس بيلەدى.

بيىل س ق و- دا 3681 تۇلەك اياقتادى. ۇ ب ت- دا ەڭ جوعارعى بالدى ۆالەريا كريەۆسۋن الدى.


  

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى