وسكەمەندە قوقىس وڭدەيتىن زاۋىت سالىنادى
زاۋىت قۇرىلىسى وسكەمەن اكىمدىگى مەن «يان حە» كومپانياسى اراسىنداعى ىنتىماقتاستىق تۋرالى مەموراندۋمنىڭ اياسىندا وتەدى. بۇل كاسىپورىن ءوز قاراجاتىنا قالدىقتاردى قايتا وڭدەۋ، سۇرىپتاۋ زاۋىتىن سالادى. الدىن الا دەرەكتەر بويىنشا ول شمەلوۆا جىراسى اۋدانىندا 3,5 گەكتار الاڭدا سالىنادى.
بۇل تۋرالى قالا اكىمى رەتىندە ءوزىنىڭ العاشقى باسپا ءسوز كونفەرەنسياسىندا و ك ق- دا ەرلان ايمۇقاشەۆ مالىمدەدى.
«وسكەمەن قوقىس وڭدەۋ زاۋىتىمەن مەموراندۋمعا قول قويىلعان، الايدا ول ءوز مىندەتتەمەسىن ورىندامايدى. بۇگىن ءبىز شارتتى بۇزۋ تۋرالى سوتقا ءوتىنىش بەردىك. بولىنگەن ۋچاسكەدە قىتايلىق كومپانيا جۇمىس ىستەيدى. بۇل جۇمىس ۇلت جوسپارىن پراكتيكالىق ىسكە اسىرۋعا كىرەدى»، - دەدى اكىم.
وبلىس ورتالىعىنىڭ باسشىسى وسكەمەن اكىمدىگىمەن 2020 -جىلعا دەيىن كولىكتى گازعا اۋىستىرۋ ارقىلى اتموسفەراعا شىعارىندىلاردى ازايتۋدىڭ كەشەندى جوسپارى قارالىپ جاتقاندىعىن مالىمدەدى. گاز قۇيۋ بەكەتتەرىن قۇرۋ ءۇشىن ينۆەستيتسيا قۇياتىن كاسىپكەرلەر جەتكىلىكتى تارتىلماۋدا.
