سارى وزەك ستانساسىنا پاروۆوز ەسكەرتكىشى ورناتىلدى
پاروۆوز بەلگىلى كونسترۋكتور لەۆ لەبەديانسكيدىڭ باسشىلىعىمەن كولومەنسك زاۋىتىندا ەكىنشى دۇنيەجۇزىلىك سوعىستىڭ اياعىندا شىعارىلدى. وتكەن عاسىردىڭ ورتاسىندا «لەبەديانكا» بۇرىنعى وداقتىڭ تەمىر جولدارىندا ءجيى پايدالانىلعان. الماتى- سارىوزەك- ۇشتوبە ۋچاسكەسىندە 50 گە جۋىق پاروۆوز ءجۇرىپ-تۇرعان.
«لوكوموتيۆ» ا ق ۆيتسە-پرەزيدەنتى ايتىم قۇراقبايەۆ ەسكەرتكىشتى ورناتۋ ماڭىزدىلىعىنا توقتالدى. «بۇل تۇرىكسىب قۇرىلىسشىلارىنا، وسى ءوڭىردىڭ بارلىق تەمىرجولشىلارىنا دەگەن قۇرمەت» ەكەنىن اتاپ ءوتتى.
لوكوموتيۆ بريگادالارى سول جىلدارى كۇردەلى جول جاعدايىندا تاسىمال كولەمىنىڭ اۋقىمدىلىعىن قامتاماسىز ەتۋ ءۇشىن ۇزدىك جۇرگىزۋ ادىستەرىن ءساتتى قولدانعان. سوعىستار كەيىنگى ۋاقىتتا ك س ر و لوكوموتيۆتىك دەپولارى اراسىندا سوتسياليستىك جارىستا ءبىرىنشى ورىندى يەلەنگەن.
قازىر سارىوزەك لوكوموتيۆ دەپوسى بريگاداسى قازاقستاندا شىعارىلعان «Evolution» سەرياسىنىڭ زاماناۋي لوكوموتيۆتەرى قۇرامىن جۇرگىزەدى. ولار سارى وزەك- الماتى، سارى وزەك- تالدىقورعان ۋچاسكەلەرىنە قىزمەت كورسەتەدى.
اينالما لوكوموتيۆ دەپوسىنىڭ باستىعى قاسەن ەگىزەكوۆ «تەمىر جول راريتەتى ستانسانىڭ كوركىنە اينالعانىن، بۇل مونۋمەنت ۇرپاق ساباقتاستىعىن پاش ەتەتىنىن» اتاپ ءوتتى.
