مۇعالىمدەردىڭ اقىلى ەڭبەك دەمالىسىنا وتەماقى قالاي ەسەپتەلەدى؟
بۇل سۇراققا شىمكەنت قالاسى ءبىلىم ءبولىمىنىڭ قىزمەتكەرلەرمەن ەسەپ جۇرگىزۋ سەكتورىنىڭ جەتەكشىسى گۇلبارشىن ۋزگەلديەۆا جاۋاپ بەردى.
- مۇعالىمدەردىڭ اقىلى ەڭبەك دەمالىسىنا وتەماقى تولەمىن قالاي ەسەپتەيدى؟
- ق ر ەڭبەك كودەكسىنىڭ 92-بابىنا سايكەس جىل سايىنعى اقىلى ەڭبەك دەمالىسى جۇمىس ورنى (لاۋازىمى) مەن ورتاشا جالاقىسى ساقتالا وتىرىپ، بەلگىلى ءبىر كۇنتىزبەلىك كۇندەر سانىنا بەرىلەدى.
ورتاشا جالاقىنى ەسەپتەۋدىڭ ءبىرىڭعاي ءتارتىبى «ورتاشا جالاقىنى ەسەپتەۋدىڭ ءبىرىڭعاي ەرەجەسىن بەكىتۋ تۋرالى» ق ردەنساۋلىق ساقتاۋ جانە دامۋ مينيسترلىگىنىڭ 2015 - جىلعى 30 - قاراشاداعى № 908 بۇيرىعىمەن ايقىندالادى.
ەرەجەگە سايكەس بەس كۇندىك، سونداي- اق التى كۇندىك جۇمىس اپتاسىندا ورتاشا ايلىق جالاقىنى ەسەپتەۋ بەلگىلەنگەن قوسىمشا اقىلار مەن ۇستەمەاقىلار، سىياقىلار جانە ەڭبەكاقى تولەۋ جۇيەسىندە كوزدەلگەن تۇراقتى سيپاتتاعى باسقا دا ىنتالاندىرۋ تولەمدەرى ەسكەرىلە وتىرىپ، ءتيىستى كەزەڭدەگى ورتاشا كۇندىك جالاقىنىڭ ەسەبىنەن ناقتى جۇمىس ىستەلگەن ۋاقىت ءۇشىن جۇرگىزىلەدى.
ورتاشا جالاقىنى ەسەپتەۋدە، ەرەجەگە قوسىمشاسىنا سايكەس تۇراقتى سيپاتتاعى ەمەس تولەمدەر ەسكەرىلمەيدى (جىل سايىنعى اقىلى ەڭبەك دەمالىسى؛
ەڭبەككە ۋاقىتشا جارامسىزدىعى بويىنشا الەۋمەتتىك جاردەماقى؛
جىل سايىنعى اقىلى ەڭبەك دەمالىسىن بەرۋ كەزىندە قىزمەتكەرلەرگە تولەنەتىن ساۋىقتىرۋعا ارنالعان جاردەماقى؛ قىزمەتتىك ءىسساپارعا جىبەرىلەتىن قىزمەتكەرلەرگە بەرىلەتىن وتەماقى).
قىزمەتكەردىڭ ورتاشا جالاقىسى ورتاشا كۇندىك جالاقىنى ەڭبەك دەمالىسىنا كەتكەن جۇمىس كۇندەرىنىڭ سانىنا كوبەيتۋ جولىمەن ەسەپتەلەدى.
ورتاشا كۇندىك جالاقى بارلىق جاعدايلاردا ەسەپتى كەزەڭدە ەسەپتەلگەن جالاقى سوماسىن جۇمىس ۋاقىتى تەڭگەرىمىن نەگىزگە الا وتىرىپ، تيىسىنشە بەس كۇندىك نەمەسە التى كۇندىك جۇمىس اپتاسىنىڭ جۇمىس كۇندەرى سانىنا ءبولۋ جولىمەن انىقتالادى.
ەگەر ەسەپ ايىرىسۋ كەزەڭى جۇمىسپەن تولىق وتەلمەسە، وندا ورتاشا كۇندىك جالاقى جۇمىس ىستەلگەن ۋاقىت ءۇشىن ەسەپتەلگەن جالاقىنىڭ سوماسىن وسى جۇمىس ىستەگەن ۋاقىتقا سايكەس كەلەتىن بەس كۇندىك نەمەسە التى كۇندىك جۇمىس اپتاسىنىڭ جۇمىس كۇندەرى سانىنا تيىسىنشە ءبولۋ جولىمەن انىقتالادى.
ەگەر ەسەپ ايىرىسۋ كەزەڭىندە قىزمەتكەرگە جالاقى ەسەپتەلمەگەن بولسا، وندا ورتاشا كۇندىك جالاقىنى ەسەپتەۋ ەسەپ ايىرىسۋ كەزەڭىنىڭ الدىنداعى ون ەكى ايداعى جۇمىسى نە ەسەپ ايىرىسۋ كەزەڭىنىڭ الدىنداعى وسى جۇمىس بەرۋشىدە ناقتى جۇمىس ىستەگەن ۋاقىت كەزەڭى ءۇشىن ەسەپتەلگەن جالاقى سوماسىن وسى جۇمىس ىستەلگەن ۋاقىتقا سايكەس كەلەتىن بەس كۇندىك نەمەسە التى كۇندىك جۇمىس اپتاسى كەزىندەگى جۇمىس كۇندەرىنىڭ سانىنا تيىسىنشە ءبولۋ جولىمەن جۇزەگە اسىرىلادى.
ەرەجەنى قولدانۋ بويىنشا ادىستەمەلىك ۇسىنىمدار ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ 2015 -جىلعى 30 - قاراشاداعى № 908 بۇيرىعىمەن بەكىتىلگەن.
سونىمەن بىرگە، كودەكستىڭ 139-بابىنىڭ 10 - تارماعىنا سايكەس مۇعالىمدەرگە ساۋىقتىرۋعا ارنالعان جاردەماقى تاريفيكاتسيالاۋ بويىنشا بەلگىلەنگەن لاۋازىمدىق جالاقىسى (ەڭبەك جاعدايلارى ءۇشىن قوسىمشا اقى مەن ۇستەمە اقىلاردى ەسەپتەمەگەندە) مولشەرىندە تولەنەدى. ازاماتتىق قىزمەتشىلەرگە ساۋىقتىرۋعا ارنالعان جاردەماقى كۇنتىزبەلىك جىلدا ءبىر رەت تولەنەدى.
لاۋازىمدىق جالاقى ارتتىرىلعان جاعدايدا ورتاشا جالاقىنى ەسەپتەۋ ارتتىرۋ كوەففيسيەنتىن ەسكەرە وتىرىپ، ەگەر ارتتىرۋ وقيعا كەزەڭىندە جۇرگىزىلسە، ورتاشا جالاقىنىڭ ءبىر بولىگى لاۋازىمدىق جالاقى (مولشەرلەمە) ارتتىرىلعان كۇنىنەن باستاپ كورسەتىلگەن كەزەڭ اياقتالعانعا دەيىن ارتتىرۋ كوەففيتسيەنتىن ەسكەرە وتىرىپ ەسەپتەلەدى. ارتتىرۋ كوەففيتسيەنتى ارتتىرۋ ايىندا بەلگىلەنگەن لاۋازىمدىق جالاقىنى ارتتىرۋعا دەيىن بەلگىلەنگەن لاۋازىمدىق جالاقىعا ءبولۋ جولىمەن ەسەپتەلەدى.
مىسالى: مەكتەپتە باستاۋىش سىنىپ مۇعالىمى بولىپ قىزمەت اتقاراتىن 18 ساعاتى بار، 18 ساعاتقا داپتەر تەكسەرۋى جانە سىنىپ جەتەكشىلىگى بار، ەڭبەك ءوتىلىمى - 17 جىل. ءبىرىنشى ساناتتى مۇعالىم. ايلىق تابىسى 1 - قىركۇيەكتەن باستاپ كوەففيسيەنتى 2,83 بولعان كەزدە 71902 تەڭگە، ال 1 - قاڭتاردان باستاپ كوەفيسيەنتى 4,16 بولعان كەزدە 88945 تەڭگە ەسەپتەلىنگەن.
ەگەر 1 - ماۋسىمنان 56 كۇنتىزبەلىك كۇنگە، ونىڭ ىشىندە 48 جۇمىس كۇنىنە ەڭبەك دەمالىسىنا شىعاتىن بولسا، ماسەلەن كەستە بويىنشا
ءبىر كۇندىك جالاقى 461477 تەڭگە/188 كۇنگە=2454,66 تەڭگە
وسى 2454,66 تەڭگەنى 30 جۇمىس كۇنىنە كوبەيتسەك، ەڭبەك دەمالىسىنا 73640 تەڭگە شىعادى.
ساۋىقتىرۋعا ارنالعان جاردەماقى 18 ساعاتقا 3,08 كوەفسيەنتپەن 17697 تەڭگەگە كوبەيتۋ ارقىلى 54507 تەڭگە تولەنەدى.
جانەركە حۋمار
kazrabat.kz
