اۋىر اتلەتيكا فەدەراتسياسى دوپينگ داۋىنا ىلىككەن ءتورت اتلەتكە قاتىستى مالىمدەمە جاسادى
بۇرىن حابارلانعانداي، حالىقارالىق اۋىر اتلەتيكا فەدەراتسياسىنىڭ حابارلاماسىنا سايكەس، قازاقستاندىق اۋىر اتلەتتەر يليا يلين، مايا مانەزا، سۆەتلانا پودوبەدوۆا مەن ءزۇلفيا چينشانلو سپورتتىق قىزمەتىنەن ۋاقىتشا شەتتەتىلدى. لوندوندىق وليمپيادا كەزىندە الىنعان دوپينگ-سىنامالاردى قايتا ساراپتاۋ كەزىندە تىيىم سالىنعان زاتتاردىڭ بولعانى انىقتالدى.
بۇكىل الەمدىك دوپينگكە قارسى اگەنتتىك كودەكسىنىڭ 2.1 بابىنا سايكەس سپورتشى ءوزىنىڭ اعزاسىنا تۇسەتىن ءار زات ءۇشىن جاۋاپ بەرەدى. 13 باپقا سايكەس سپورتشى وعان قاتىستى قابىلدانعان ءار شەشىمگە شاعىمدانا الادى.
قازاقستاننىڭ اۋىر اتلەتيكا فەدەراتسياسى ق ر ۇلتتىق وليمپيادا كوميتەتى جانە ق ر مادەنيەت جانە سپورت مينيسترلىگىمەن بىرلەسىپ اتلەتتەرگە وزدەرىنىڭ زاڭدى قۇقىقتارىن قورعاۋلارى ءۇشىن ءتيىستى قۇقىقتىق قولداۋ كورسەتەدى.
ق ر اۋىر اتلەتيكا فەدەراتسياسى ب ا ق ارقىلى بارلىق كەزەڭنىڭ قورىتىندىسىن حابارلايدى.
