ۇلتتىق بانك: حالىق اراسىندا تەڭگەنىڭ السىرەۋىن كۇتەتىندەر ۇلەسى ەكى ەسەگە ازايدى

 «ىشكى ۆاليۋتا نارىعىنداعى جاعداي ءبىرشاما تۇراقتى. ايىرباستاۋ باعامىنىڭ كۇن سايىنعى اۋىتقۋلارى ادەتتەگى شامادا ورىن الۋدا. بۇلار نارىقتا قاتىسۋشىلاردىڭ كۇتىلۋىمەن ايقىندالادى. بۇل مۇناي باعاسىنىڭ جانە ەلىمىزدىڭ نەگىزگى ءىرى ساۋدا ارىپتەستەرىنىڭ ۆاليۋتا باعامدارى سەرپىنىنە نەگىزدەلەدى. جالپى تەڭگە باعامىنىڭ نىعايۋى اعىمداعى جىلدىڭ بەس ايىندا 1,2 پايىزدى قۇرادى»، - دەدى ا. احمەتوۆ.

ونىڭ ايتۋىنشا، تەڭگە باعامىنىڭ كۇرت اۋىتقۋشىلىعىنا جول بەرمەۋ، التىن- ۆاليۋتا رەزەرۆىن تولىقتىرۋ ماقساتىندا ۇلتتىق بانك شەتەل ۆاليۋتاسىن ساتىپ الۋدى جالعاستىرۋدا. «جىل باسىنان بەرگى مامىر ايىنا دەيىن نەتتو- ساتىپ الۋ كولەمى 3,2 ميلليارد ا ق ش دوللارىن قۇرادى. بۇل رەتتە وپەراتسيالار ايىرباستاۋ باعامىنىڭ سەرپىندى ۇردىستەرىنە اسەر ەتپەيدى. سەبەبى ولاردىڭ سيپاتى مەن كولەمى نارىقتاعى جالپى جاعدايعا اسەر ەتپەيدى. جالپى العاندا بىزدەگى ۆاليۋتا باعامى ىرگەلى فاكتورعا، الەمدىك مۇناي نارىعىنا، كورشى ەلدەردەگى جاعدايلارعا، الەمدىك ۆاليۋتا نارىعىنا تاۋەلدى»، دەدى ا. احمەتوۆ.

ۇ ب وكىلىنىڭ ايتۋىنا قاراعاندا، قازاقستانداعى حالىق تاراپىنان قولما- قول اقشانى ايىرباستاۋ پۋنكتتەرى ارقىلى بەلسەندى ساتۋ ءۇردىسى جالعاسۋدا. ماسەلەن، اقپان- ساۋىردە حالىق 363 ميلليون ا ق ش دوللارىن ساتقان. بۇل تەڭگەدەگى قۇرالدار بويىنشا بارىنشا تارتىمدى. «ال مامىر ايىندا جۇرگىزىلگەن ساۋالناماعا سايكەس، حالىق اراسىندا تەڭگە باعامىنىڭ السىرەۋىن كۇتكەندەر ۇلەسى ەكى ەسەگە ازايدى»، دەدى ا. احمەتوۆ.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى