حالىقارالىق اۋىر اتلەتيكا فەدەراتسياسى ءتورت سپورتشىمىزعا نەگە ءتونىپ الدى؟
لوندونداعى 2012-جىلعى وليمپيادا ويىندارى جەڭىمپازدارىنىڭ دوپينگ-سىنامالارىنىڭ ەكىنشى ساراپتاماسىنىڭ ناتيجەسىندە اۋىر اتلەتيكانىڭ حالىقارالىق فەدەراتسياسى قازاقستاندىق سپورتشىلاردىڭ قانىندا تومەندەگى زاتتار تابىلعانىن حابارلادى:
سۆەتلانا پودوبەدوۆا (KAZ) - ستانوزولول (S1.1 انابوليكالىق اگەنتتەر)
مايا مانەزا (KAZ) - ستانوزولول (S1.1 انابوليكالىق اگەنتتەر)
يليا يلين (KAZ) - دەگيدروحلورمەتيلتەستوستەرون، ستانوزولول (S1.1 انابوليكالىق اگەنتتەر)
زۋلفيا چينشانلو (KAZ) - وكساندرولون، ستانوزولول (S1.1 انابوليكالىق اگەنتتەر)
ەرەجەلەرگە سايكەس، دوپينگكە قارسى ەرەجەلەردى بۇزعان سپورتشىلاردى فەدەراتسيا ولاردىڭ ءىسى جابىلعانشا سپورتتان شەتتەتەدى.
فەدەراتسيا جاقىن ارادا بەيجىڭدەگى وليمپيادا جۇلدەگەرلەرىنىڭ سىنامالارىنا قايتا جۇرگىزىلگەن ساراپتاما ناتيجەسىن حابارلايدى. ەگەر سپورتشىلاردىڭ دوپينگكە قارسى ەرەجەلەردى بۇزباعانى انىقتالسا، ءتيىستى شەشىم قابىلدانادى.
فەدەراتسيا بۇل ىستەر جابىلعانشا ولار بويىنشا اقپاراتقا ەش مالىمدەمە جاسامايدى.
ەسكە سالا كەتەيىك، ي. يلين مەن ز. چينشانلودان لوندوندىق وليمپيادا كەزىندە الىنعان دوپينگ-سىنامالاردا تىيىم سالىنعان زاتتاردىڭ بولعانى تۋرالى شەتەلدىك ب ا ق 4- ماۋسىمدا حابارلاعان.
