قاراعاندىدا پايدالانۋعا بەرىلگەن پاتەرلەر سانى ون ەسە كوبەيەدى
وبلىس اكىمىنىڭ باسپا ءسوز قىزمەتى حابارلاعانداي، «جانۇيا-2» تۇرعىن كەشەنىن سالۋدى 2016 -جىلعى جەلتوقساندا اياقتايدى. بيىل تاپسىرىلعان پاتەرلەردىڭ جالپى سانى 205، ياعني وتكەن جىلمەن سالىستىرعاندا، ءبىر جارىم ەسەگە كوپ.
2017 -جىلى 1128 پاتەرلى «پانەل- سەنتر» تۇرعىن ءۇي كەشەنىنىڭ ءۇش ءۇيىنىڭ قۇرىلىسى اياقتالادى. بۇل كورسەتكىش سوڭعى جىلدارى تاپسىرىلعان پاتەرلەر سانىنان 10 ەسە اسىپ تۇسەدى.
بۇل رەتتە قۇرىلىستارعا وبلىس بيۋدجەتىنەن قاراجات بولىنبەيدى، «نۇرلى جول» باعدارلاماسىنىڭ اياسىندا «بايتەرەك ديەۆەلوپمەنت» ا ق قاراجاتىن تارتا وتىرىپ، سالىنادى.
قۇرىلىستاردى قاراپ شىققان وبلىس اكىمىنىڭ ورىنباسارى قاراعاندى اكىمدىگىنە سالىناتىن تۇرعىن ۇيلەر سانىن ۇلعايتۋدى، پاتەرگە مۇقتاج جاندار سانىن ازايتۋ ءۇشىن جىل سايىن 2017 -جىلدان باستاپ پايدالانۋعا كەمىندە مىڭ پاتەر بەرۋدى تاپسىردى.
