برازيليادا وليمپيادا جانە پاراليمپيادا ويىندارى مەدالدارىنىڭ ديزاينى تانىستىرىلدى

شارا ارنايى باسپا ءسوز ءماسليحاتى اياسىندا ءوتتى. وعان حالىقارالىق وليمپيادا كوميتەتىنىڭ (ح و ك) باسشىسى توماس باح قاتىستى. 812 دەن التىن جانە كۇمىس، 864 قولا، جالپى بارلىعى 2488 مەدال دايىندالعانى حابارلاندى.

سالماعى 500 گراممدى قۇرايتىن مەدال سىناپتى پايدالانباي، ءوندىرىس تالاپتارىنا سايكەس التىننان جاسالاتىنى حابارلاندى. كۇمىس جانە قولا مەدالداردىڭ %30 ى قايتا وڭدەلگەن ماتەريالداردان بولماق. وسىلايشا، مەدالدار ىلىنەتىن لەنتالار ماتەريالىنىڭ جارتىسى قايتا وڭدەلگەن پلاستيكالىق بوتەلكەلەردەن دايىندالماق. مەدالداردى ساقتاۋعا ارنالعان قاپتامالار وڭتۇستىك امەريكادا وسەتىن كورديا گوەلدا اعاشىنان جاسالادى.

ديزاينەرلەردىڭ يدەيالارىنا سايكەس، ريو ويىندارى مەدالىنىڭ ورتاڭعى جاعى جۋانىراق بولادى. ال جۇلدەگەردىڭ ەسىمى مەن سپورت ءتۇرى لازەرمەن مەدالدىڭ سىرتقى شەتىنىڭ بويىندا جازىلادى.

پاراليمپيادا ويىندارى جۇلدەگەرلەرىنىڭ مەدالدارىندا دا جاڭالىقتار بولادى. وسىلايشا، ءار ماراپاتتىڭ ىشىندە شۋلى كامەرا بولادى. بۇل ناشار كورەتىن سپورتشىلاردىڭ ماراپاتتىڭ داۋىسىن ەستۋگە مۇمكىندىك بەرەدى. شۋى ەڭ قاتتى التىن مەدال، ال قولا شۋسىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى