تامارا دۇيسەنوۆا: ءبىزدىڭ باستى ماقساتىمىز - جۇمىسسىز جاستاردى جۇمىسقا ورنالاستىرۋ
بۇل تۋرالى بۇگىن اقتوبەدە ق ر دەنساۋلىق جانە الەۋمەتتىك دامۋ ءمينيسترى تامارا دۇيسەنوۆا وسىلاي دەپ مالىمدەدى.
جۇمىسسىزداردى جۇمىسقا ورنالاستىرىپ، ەلدە جۇمىسپەن قامتىلۋدى قامتاماسىز ەتۋ ءۇشىن ءبىرقاتار مەملەكەتتىك باعدارلامالار قابىلداندى. سولاردىڭ اراسىندا «جۇمىسپەن قامتۋدىڭ جول كارتاسى - 2020» باعدارلاماسى ەرەكشە تانىمال.
ت. دۇيسەنوۆانىڭ ايتۋىنشا، بيىلعى جىلى بۇل باعدارلاماعا 100 ميلليارد تەڭگە ءبولىندى، سونىڭ ىشىندە ءساۋىر ايىندا 63 ميلليارد تەڭگە جۇمىسسىزدار مەن وزدىگىنەن قىزمەت ەتىپ جۇرگەندەرگە كومەك كورسەتۋ ءۇشىن قوسىمشا تۇردە جىبەرىلدى.
اقتوبە وبلىسىندا جۇمىسپەن قامتۋدىڭ ءتۇرلى مەملەكەتتىك باعدارلامالارىمەن 20 مىڭعا جۋىق جۇمىسسىز ادامدى قامتۋ جوسپارلانىپ وتىر، بۇگىندە 8 مىڭ ادام قامتىلعان.
وسىلايشا، اقتوبە قالالىق جۇمىسپەن قامتۋ ورتالىعىنىڭ مالىمەتتەرىنشە، بيىل «بيزنەستىڭ جول كارتاسى 2020» باعدارلاماسى بويىنشا جۇمىسسىزداردى شاعىن نەسيەلەندىرۋگە ءبولىنىپ وتىرعان سوما وسىرىلگەن.
جۇمىسپەن قامتۋ ورتالىعىنىڭ مالىمەتتەرىنشە، 1 - ماۋسىمدا اقتوبەدە 891 جۇمىسسىز ادام ەسەپتە تۇر، سونىڭ ىشىندە جارتىسىنان كوبى - جاستار.
ەسكە سالا كەتەيىك، بۇگىن اقتوبەگە ق ر پرەمەر- ءمينيسترى كارىم ءماسىموۆ باسقارعان ۇكىمەت دەلەگاتسياسى كەلدى.
دەلەگاتسيانىڭ قۇرامىندا - ىشكى ىستەر ءمينيسترى قالمۇحانبەت قاسىموۆ، دەنساۋلىق ساقتاۋ ءمينيسترى تامارا دۇيسەنوۆا، ق ر ۇلتتىق ەكونوميكا ءمينيسترى قۋاندىق بيشىمبايەۆ، ەنەرگەتيكا ءمينيسترى قانات بوزىمبايەۆ، ءبىلىم جانە عىلىم ءمينيسترىنىڭ ورىنباسارى ەلميرا سۋحانبەرديەۆا، ق ر ۇلتتىق گۆاردياسىنىڭ باس قولباسشىسى رۋسلان جاقسىلىقوۆ، ق ر ۇلتتىق قاۋىپسىزدىك كوميتەتى ءتوراعاسىنىڭ ورىنباسارى نۇرعالي بىلىسبەكوۆ، ق ر قارجى ۆيتسە- ءمينيسترى رۋسلان دالەنوۆ، سەناتور ەلەۋسىن ساعىندىقوۆ بار.
