ءانشى جانار دۇعالوۆا تاريحي رومان جازۋعا كوشتى

- دەپ حابارلايدى «جۇلدىزدار قۇپياسى» سايتى NUR. KZ- كە سىلتەمە جاساپ.

«قازىر تاريحي رومان جازىپ جاتىرمىن. بۇل كىتابىم تراگەديا جانرىندا بولادى. قاشان بىتەتىنىن بىلمەيمىن»، - دەدى ءانشى.

جاقىندا عانا «قازاقستاننىڭ ەڭبەك سىڭىرگەن مادەنيەت قايراتكەرى» اتاعىنا يە بولعان جۇلدىز كەلەر جىلى جەكە كونسەرتىن بەرسەم دەگەن جوسپارىمەن ءبولىستى. سونداي- اق پروديۋسەرسىز جۇمىس جاساعاننىڭ قيىندىعىن مويىنداعان ول ءتىپتى، ۇشاققا دا كەشىككەندىگىن ايتتى.

«قازىر پروديۋسسەرىم جوق. بايان ماقسات قىزىنان كەتسەم دە ول مەن ءۇشىن ومىرىمدەگى ەڭ جاقىن ادامىم بولىپ قالا بەرەدى. ەكىنشى انام دەپ ايتا الامىن. پروديۋسسەرسىز كىشكەنە قيىنداۋ، بۇگىن مىنە الماتىدان استاناعا ۇشاتىن اۋە رەيسىنە دە كەشىگىپ قالدىم»، - دەپ كۇلدى دۇعالوۆا.

ارمانىڭىز نە دەگەن سۇراققا ءانشى ەرتەرەك قارتايۋدى اسىعا كۇتىپ جۇرگەنىن ايتتى.

«كوپ ادامدار قارتايۋدان قورقادى. ال مەن كەرىسىنشە ەرتەرەك قارتايىپ، اجە بولسام عوي دەپ اسىعا كۇتىپ ءجۇرمىن. ول دەگەن جاقسى. نەمەرەلەرىمدى قاسىما جيناپ، سۇيىكتى كىتابىمدى وقىپ، شىعارماشىلىقپەن اينالىسىپ، تەرەزەنىڭ الدىندا كۇننىڭ شۋاعىنا قاراۋ قانداي باقىت»، - دەيدى جانار دۇعالوۆا.

ەڭ العاشقى تابىسىن ون ءتورت جاسىندا تاپقانىن ايتقان ءانشى ءبىرىنشى قالاماقسىنا فوتواپارات ساتىپ العان ەكەن. ال، قازىر تاپسىرىسپەن جاس انشىلەرگە ولەڭ جازۋ ۇستىندە. سازگەردىڭ تىڭ تۋىندىسىنىڭ ءبىرى اعىلشىن تىلىندەگى «قازاقستانعا قوش كەلدىڭ» دەپ اتالاتىن ءانىن بايان ەسەنتايەۆا قۇرعان جىگىتتەر توبى ورىنداماق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى