اقتوبەدەگى وپەراتسيا كەزىندە ولقىلىق جىبەرگەن لاۋازىمدى شەندىلەر جاۋاپكەرشىلىككە تارتىلۋى مۇمكىن
«ءوز ىشىمىزدە جينالىس وتكىزىپ، كىمدەردىڭ كەمشىلىك جىبەرگەنىن انىقتايمىز. ىشكى ىستەر مينيسترلىگىنىڭ كەيبىر قۇرىلىمدارىنا، سونىڭ ىشىندە پاترۋلدى پوليتسيانىڭ قىزمەتىنە قاتىستى سۇراق كوپ. ولارعا قانداي شارا قولدانعانىمىزدى، كەيىن ايتامىز»، - دەيدى ىشكى ىستەر ءمينيسترى قالمۇحانبەت قاسىموۆ.
اقتوبەنى قانعا بوكتىرىپ، قازاقستاندا حاليفات ورناتقىسى كەلەتىندەردىڭ سالافيتتەر ەكەنىن پرەزيدەنتتىڭ ءوزى مالىمدەگەن. ساقال قويىپ، بالاق كەسكەندەردىڭ جات اعىمىنا ەندى زاڭمەن تىيىم سالىنباق. قازىر ەلىمىزدە وسى تەرىس باعىتتى ۇستاناتىن 15 مىڭنان استام ادام بار.
مۇنايلى قالانىڭ بەرەكەسىن قاشىرعان لاڭكەستىك بويىنشا، 25 تەن استام قىلمىستىق ءىس قوزعالعان. قازىر تىرىدەي قولعا تۇسكەن راديكالدارمەن قاتار جيھاد جاساۋدان باس تارتقان ولاردىڭ سىبايلاستارى ۇلتتىق قاۋىپسىزدىك كوميتەتىنىڭ تەرگەۋشىلەرىنە جاۋاپ بەرىپ جاتىر.
ال ارنايى وپەراتسيانى استانادا وتىرىپ باقىلاعان ىشكى ىستەر ءمينيسترى ىشكى كوشى-قون مەن ادامداردى ءۇستى-ۇستىنە تىركەپ پاتەرىن جالعا بەرەتىندەرمەن دە كۇرەستى كۇشەيتپەك.
