دۇنيەجۇزىلىك دەنساۋلىق ساقتاۋ ۇيىمى: ريو وليمپياداسىندا زيكا ۆيرۋسىن جۇقتىرۋ قاۋپى بارما؟
بۇل تۋرالى BBC اگەنتتىگى حابارلايدى.
حالىقارالىق ۇيىم ماماندارى تامىز ايىندا وتەتىن وليمپيادانى كەيىنگە قالدىرۋدىڭ قاجەتتىلىگى جوقتىعىنا سەندىرۋدە.
برازيليا زيكا ۆيرۋسىنىڭ تارالۋ وشاعى بولىپ سانالادى. بۇعان دەيىن د د س ۇ اتالمىش ۆيرۋستىڭ ۆاكسيناسى جوق جاھاندىق قاتەر رەتىندە ايقىنداعان.
مەديتسينا ماماندارى اياعى اۋىر ايەلدەرگە ريو-دە-جانەيروعا بارماۋىن، بارا قالسا اۋرۋدى جۇقتىراتىن ماسالاردىڭ شاعىپ كەتپەۋىن قاداعالاۋدى سۇرايدى.
د د س ۇ ساراپشىلارى تامىز ايىندا برازيلياداعى ماسالاردىڭ بەلسەندىلىگى اسا جوعارى ەمەستىگىن اتاپ وتۋدە.
