الماتىدا تەڭىز اكادەمياسىنىڭ بىرەگەي وقۋ- جاتتىعۋ كەشەنى سالىنىپ جاتىر

  بۇگىنگى تاڭدا يگەرىلۋگە ءتيىس 140,3 گەكتار اۋماقتا ينجەنەرلىك جەلىلەردىڭ 70 پايىزى سالىنعان جانە 9,04 ميلليارد تەڭگە يگەرىلدى. بيىل 4,45 ميلليارد تەڭگەگە ينفراقۇرىلىمدىق قۇرىلىس جۇمىستارىن اياقتاۋ جوسپارلانعان.

 سونىمەن قاتار، قالا باسشىسى مۇنايگاز، گەولوگيا جانە گەوفيزيكا سالاسىنا كادرلار دايارلاۋعا ارنالعان وقۋ- جاتتىعۋ ورتالىعىنىڭ قۇرىلىس الاڭىندا بولدى.

 ءبىر گەكتەر جەردى الىپ جاتقان اۋماققا سالىناتىن قۇرىلىستىڭ اۋدانى - 912,3 شارشى مەتردى قۇرايدى. جوبانىڭ باعاسى - 400 ميلليون تەڭگە.

 Drill Sim - ورتا ازيا مەن ەۋروپا ەلدەرى ءۇشىن بىرەگەي وقۋ- جاتتىعۋ كەشەنى بولىپ تابىلادى. بۇگىنگى تاڭدا وسىنداي كەشەن تەك ا ق ش- تىڭ تەحاس شتاتىندا عانا بار.

 بۇل وقۋ كەشەنى ۇڭعىمالاردى بۇرعىلاۋ، جوندەۋ جانە اپات بولعان كەزدە ورىن الاتىن شىنايى ۇدەرىستەردى ۇقساتۋعا ارنالعان. سونداي- اق، مۇندا بۇرعىلاۋ بريگاداسى جانە جەكە قۇرامنىڭ ءوزارا پسيحولوگيالىق تۇرعىدا ۇيلەسىمدىلىگى زەرتتەلەدى.

 الماتىدا وسى ورتالىق قۇرىلعان سوڭ، وعان ازيا، ەۋروپا جانە ت م د ەلدەرىنەن شاقىرتىلاتىن ماماندار قازاقستاندىق ستۋدەنتتەرگە ءدارىس بەرەتىن بولادى.

 «ەگەر بۇگىنگى تاڭدا ءبىز 20 ادامدى عانا وقىتا الاتىن بولساق، Drill Sim كەشەنى ارقىلى 100 ادامعا دەيىن وقىتا الامىز. مىنا سيمۋلياتوردا ءبىز بۇرعىلاۋعا قاتىستى بارلىق ۇدەرىستەردى، ولاردىڭ ىشىندە بارلاۋ، گەولوگيالىق بارلاۋ ۇدەرىستەرىن زەرتتەيمىز. بۇگىندە قازاقستاندا جۇمىس ىستەيتىن كومپانيالاردىڭ بارلىعى ءوز قىزمەتكەرلەرىن وقىتۋ ءۇشىن ولاردى شەت ەلدەرگە جىبەرۋگە ءماجبۇر بولىپ جاتىر. ال كەشەن دايىن بولعان سوڭ، ماماندار وسىندا دايارلانادى. ستۋدەنتتەردىڭ بارلىعى دەرلىك جۇمىسپەن قامتىلادى»، - دەدى ءوز سوزىندە «قازاق- بريتان تەحنيكالىق ۋنيۆەرسيتەتىنىڭ مۇناي گاز ينجينيرينگ جانە اقپاراتتىق تەحنولوگيا ينستيتۋتى» ج ش س باس ديرەكتورى جانات حاسەنوۆ.

بۇدان باسقا، قالا اكىمىنە بولاشاق وتاندىق تەڭىز اكادەمياسىنىڭ جوباسى تانىستىرىلدى. بۇگىنگى تاڭدا ق ب ت ۋ جانىندا وسى سالا بويىنشا جىلىنا 25 ستۋدەنت قابىلدانادى. سوڭعى 4 جىل ىشىندە 85 كادەت دايارلاندى. بيىلعى جىلدىڭ 1- شىلدەسىنەن باستاپ، كەمە جۇرگىزۋشىسى جانە كەمە ينجەنەرى ماماندىعى بويىنشا العاشقى تۇلەكتەر شىعارىلادى. ولاردىڭ 90-95 پايىزى جۇمىسپەن قامتىلادى.

 ج. حاسەنوۆتىڭ ايتۋىنشا، بيىلدان باستاپ، تەڭىز اكادەمياسىنىڭ تۇلەكتەرى وسى سالادا قىزمەت اتقارىپ جۇرگەن شەت ەلدىك مامانداردىڭ ورنىنا قابىلدانا باستايدى.

ايتا كەتەلىك، قازىرگى تاڭدا «يننوۆاتسيالىق تەحنولوگيالار پاركى» ارنايى ەكونوميكالىق ايماعىندا 153 كومپانيا تىركەلگەن.

 پاركتىڭ جالپى اۋماعى - 163 گەكتار. ونىڭ ىشىندە ءبىرىنشى كەزەكتەگى قۇرىلىس جۇمىستارى بارىسىندا 22,6 گەكتار يگەرىلگەن.  

اۆتور: ايبوتا جاپپاربەرگەن

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى