بۇل كۇنى بالۋان ابىلسەيىت ايقانوۆ دۇنيەگە كەلگەن

ابىلسەيىت رۇستەم ۇلى 1938-جىلى 15- ماۋسىمدا سول كەزدەگى تالدىقورعان وبلىسىندا تۋعان. ەركىن كۇرەستەن اۋىر جانە جارتىلاي اۋىر سالماقتا بەلدەسكەن ول 1958-1969-جىلدار ارالىعىندا قازاقستان چەمپيوناتىن 11 رەت جەڭىپ الدى. سونداي-اق، ك س ر و حالىقتارى سپارتاكياداسىنىڭ جانە ك س ر و چەمپيونى (1963 ج.) ، ك س ر و كۋبوگىنىڭ يەگەرى (1970 ج.). 1958-جىلى حالىقارالىق دارەجەدەگى سپورت شەبەرى اتانعان بالۋان 1968-جىلى ك س ر و- نىڭ «قۇرمەت بەلگىسى» وردەنىمەن ماراپاتتالدى.

1963-جىلى قازاق مەملەكەتتىك دەنە شىنىقتىرۋ ينستيتۋتىن بىتىرگەن ابىلسەيىت ايحانوۆ - قازاقستاندا سپورت سالاسىنىڭ دامۋىنا دا ولشەۋسىز ۇلەس قوسقان مامان. دەنە تاربيەسى تەورياسىنىڭ پروفەسسورى شاكىرت تاربيەلەۋدە دە وزىندىك ءىز قالدىردى.

الەمنىڭ 50 دەن استام ەلىندە ونىڭ قۇرمەتىنە ك س ر و گيمنى شىرقالدى. سونداي-اق، ايحانوۆتىڭ ەسىمى ءۇش دۇركىن وليمپيادا چەمپيونى الەكساندر مەدۆەدتى جەڭگەن پالۋان رەتىندە دە تاريحتا جازىلعان.

ايقانوۆ حالىقارالىق جارىستاردا 74 رەت كىلەمگە شىعىپ، ونىڭ 72 سىندە باسىمدىق كورسەتكەن. 1961-جىلدان رەسپۋبليكالىق «قايرات» ەركىن سپورت قوعامىنىڭ مۇشەلەرىن جاتتىقتىرۋمەن اينالىسقان. ايقانوۆتىڭ شاكىرتتەرى - سپورت شەبەرلەرى ا. بۇعىبايەۆ، م. ەسىموۆ، م. نادىربەكوۆ، ت. ب. حالىقارالىق جارىستاردا رەسپۋبليكانىڭ نامىسىن قورعاعان.

2016-جىلدىڭ 6- ناۋرىز كۇنى قازاقتىڭ اتاقتى بالۋانى ابىلسەيىت ايحانوۆ 78 جاسقا قاراعان شاعىندا قايتىس بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى