قاراعاندى وبلىسىندا «ايبىن» اسكەري- پاتريوتتىق جيىندارى باستالدى - فوتو
وعان ەلدەگى ج و و اسكەري كافەدرالارىنىڭ ستۋدەنتتەرى، اسكەري مەكتەپتەردىڭ كادەتتەرى جانە قازاقستان رەسپۋبليكاسى اسكەري- پاتريوتتىق كلۋبتارىنىڭ قاتىسۋشىلارى قاتىسۋدا.
ءوزىنىڭ قۇتتىقتاۋ سوزىندە ايماق باسشىسى نۇرمۇحامبەت ابدىبەكوۆ قاراعاندى وبلىسىنا رەسپۋبليكالىق اسكەري- پاتريوتتىق جيىنعا دايىندالۋ جانە ونى وتكىزۋدە ەكىنشى جىل سەنىم ءبىلدىرىلىپ وتىرعانىن، ال قاتىسۋشىلاردىڭ ءارقايسىسىنا ەل الدىندا ءوز ولكەسىنىڭ نامىسىن قورعاپ شىعۋ مۇمكىندىگى بەرىلگەنىن اتاپ ءوتتى.
«بۇگىن مۇندا ەڭ لايىقتى جاس ازاماتتار جينالدى. ارالارىڭىزدا جاۋىنگەرلىك جانە ساپتىق دايىندىقتىڭ ۇزدىكتەرى كوپ، ۇلكەن ارمان - اسكەري قىزمەتكەر بولۋعا، وتان الدىنداعى بورىشتى ابىرويمەن اتقارۋعا كۇن ساناپ جاقىنداپ كەلەسىزدەر. سىزدەر ءۇشىن بۇل ناعىز قىزمەت الدىندا كۇش جيناۋدىڭ تاماشا مۇمكىندىگى»، - دەدى نۇرمۇحامبەت ابدىبەكوۆ، قاتىسۋشىلارعا ساتتىلىك تىلەي وتىرىپ.
