قازاقستاندا كوكتەمگى اسكەرگە شاقىرۋ ناۋقانى اياقتالدى

قازىردىڭ وزىندە قازاقستان قارۋلى كۇشتەرىنىڭ ۇ ق ك شەكارا قىزمەتىنە، مەملەكەتتىك كۇزەت قىزمەتىنە اسكەرگە الۋ اياقتالدى، ال ق ر ءى ءى م ۇلتتىق ۇلانىنىڭ قاتارىن تولىقتىرۋ ءالى دە جالعاسىپ جاتىر، دەپ حابارلادى ق ر قورعانىس مينيسترلىگىنىڭ باسپا ءسوز قىزمەتىنەن.

18 بەن 27 جاس ارالىعىنداعى اسكەرگە شاقىرۋعا جاتاتىن جاستاردىڭ جالپى سانىنىڭ 5000 عا جۋىعى ق ر قارۋلى كۇشتەرىندە اسكەري قىزمەت وتكەرۋگە جىبەرىلدى.

«وڭتۇستىك» وڭىرلىك قولباسشىلىعىنىڭ اسكەرلەرىنە 900 گە جۋىق، «شىعىس» وڭىرلىك قولباسشىلىعىنا - 500 دەن اسا، ال «باتىس» وڭىرلىك قولباسشىلىعىنا - 500 دەن اسا، سونداي-اق «استانا» وڭىرلىك قولباسشىلىعىنا 30 عا جۋىق جاس تولىقتىرۋ قىزمەت وتەۋگە جىبەرىلدى.

اەروۇتقىر اسكەرلەرىنە 900 دەن استام، ال وقۋ-جاتتىعۋ ورتالىقتارىنا 800 دەن اسا ادام جىبەرىلدى. ق ر ق ك اۋە قورعانىسى كۇشتەرىنىڭ اسكەرلەر ساپى 900 دەن اسا اداممەن تولىقتى. ولاردىڭ ىشىندە جوعارى بىلىمىمەن اسكەرگە الىنعاندار سانى 20 ادام، ارناۋلى- ورتا ماماندىق يەسى - 3000 نان اسا، ورتا ءبىلىمى بار - 2000 عا جۋىق ادام. بۇگىنگى كۇنگە دەيىن قارۋلى كۇشتەردىڭ قاتارىنا اسكەرگە شاقىرىلعانداردىڭ بارلىعى وتان الدىنداعى بورىشىن وتەيتىن جەرلەرگە جىبەرىلدى.

العاشقى اسكەري دايارلىق باعدارلاماسى اياقتالىسىمەن جاستار اسكەري انت قابىلداپ، سودان كەيىن اسكەري قىزمەتتى اتقارۋ ءۇشىن ءتيىستى لاۋازىمدارعا تاعايىندالادى.

ەسكە سالا كەتسەك، قازاقستاندا 2016-جىلى كوكتەمدە مەرزىمدى اسكەري قىزمەتكە 14 مىڭ قازاقستاندىقتى شاقىرۋ جوسپارلانعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى