باس پروكۋرور قۇقىققورعاۋشىلاردىڭ ستاتيستيكاسىنا كۇمان كەلتىرىپ وتىر

«2015 -جىلى ەكونوميكا سالاسىندا جاسالعان قىلمىستاردىڭ ءاربىر ءتورتىنشىسى قىلمىس قۇرامىنىڭ جوقتىعىنا بايلانىستى توقتاتىلعان. ءبىراق، شىنىنا كەلگەندە، مەنىڭ بۇل مالىمەتتەرگە ۇلكەن كۇمانىم بار. سەبەبى وعان تالداۋ جاسادىم جانە ونى قايتا قاراۋ قاجەت دەپ سانايمىن. وندا كوپ «قۇيتىرقى» ارەكەتتەر بار»، - دەدى ول بۇگىن «كاسىپكەرلىك سالاسىندا پروكۋراتۋرا قاداعالاۋى» اتتى فورۋمدا.

جاقىپ اسانوۆتىڭ ايتۋىنا قاراعاندا، كەيبىر ىستەر تىم ۇزاق قارالعان، ورتاشا ەسەپپەن ءۇش ايعا سوزىلىپ وتىرعان، وزگەلەرى توقتاتىلعان.

«شىنتۋايتىنا كەلگەندە، كاسىپكەرلەر وسى ىستەر بويىنشا، قۇقىققورعاۋشىلاردىڭ «ىلمەگىندە» تۇر. بيىل شامامەن 6 مىڭ ءوتىنىش سوتقا دەيىنگى تەرگەۋ ءبىرىڭعاي رەەسترىنە كىرگەن. بۇل 6 مىڭ كومپانيا دەگەن ءسوز. ولار بويىنشا، تەرگەۋ- جەدەل الدىن الۋدىڭ كەشەندى شارالارى جاسالعانى انىق. ەرلىك ابدىكارىم ۇلى (كەنەنبايەۆ - باس پروكۋروردىڭ ورىنباسارى)، وسى تىركەۋدىڭ نەگىزدىلىگىن تەكسەرىڭىز. مارات مۇرات ۇلى (احمەتجانوۆ - باس پروكۋروردىڭ ورىنباسارى)، قۇقىقتىق ستاتيستيكا كوميتەتىمەن بىرلەسە وتىرىپ، اتالعان ستاتيستيكانىڭ شىنايىلىعىن تەكسەرۋدى تاپسىرامىن»، - دەدى باس پروكۋرور.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى