الەم تىنىشتىقتى قالايدى

مەملەكەت باسشىسىنىڭ ۆاشينگتونداعى عالامدىق سامميتكە قاتىسقاندا قاتىسقاندا كوتەرگەن ماسەلەلەرى ءالى كۇنگە دەيىن قوعامنىڭ قىزۋ تالقىسىنا ءتۇسىپ جاتقاندىعى سوعان ايقىن دالەل. بۇل جولى دا ن. ءا. نازاربايەۆ ادەمدەگى تۇراقتىلىقتى ساقتاۋداعى ءوزىنىڭ « رەتسەپتىن» «مانيفەست. الەم. XXI عاسىر» قۇجاتى تۇرىندە بەرىپ وتىر.

مانيفەستىڭ ءمانى مەن ماڭىزىنا تەرەڭىرەك كوز جۇگىرتسەڭىز، ادامزاتتى يادرولىق سوعىستىڭ اجال اكەلەر قاتەرىنەن قۇتقارۋعا باعىتتالعان كەمەڭگەر دە كورەگەن ساياساتتىڭ ايقىن دالەلى ەكەنىن باعامدار ەدىڭىز.

بىرىنشىدەن، ب ۇ ۇ- نىڭ بازاسىندا يادرولىق قارۋلارعا قاتىستى عىلىمي جاڭالىقتاردى تىركەۋگە الىپ وتىراتىن رەەستر قۇرۋ باستاماسى ۇلكەن قولداۋ تابۋى كەرەك. ب ۇ ۇ الەمدەگى شيەلەنىستەردى شەشەتىن ماڭىزدى ۇيىم بولعاندىقتان، رەەستردى قۇرۋ ارقىلى سان الۋان قاۋىپتىڭ الدىن الۋ مەحانيزمى جۇزەگە اساتىنىنا سەنەمىن.

ەكىنشىدەن، شانحاي ىنتىماقتاستىق ۇيىمى اياسىنداعى مەملەكەتتەردىڭ جانە الەم ەلدەرىنىڭ وسى ماسەلە اياسىنداعى كووپەراتسياسى جانە ءوزارا تاجىريبە الماسۋى ادەتتەگى پراكتيكاعا اينالۋىن قالايتىن مەملەكەت باسشىسىنىڭ باستاماسى باسقا تاراپتاردان قولداۋ تاپسا كوپ ماسەلە وڭتايلى شەشىلەدى دەپ ويلايمىن.

ۇشىنشىدەن، ەلباسىنىڭ الەمدەگى اسكەري ۇيىمدار مەن بلوكتاردان باس تارتۋعا شاقىرۋى - ەڭ الدىمەن،قازىرگى شيەلەنىسكە ءتۇسىپ، ءبىر- بىرىمەن قىرعي- قاباق سوعىس جۇرگىزىپ جاتقان اسكەري الەۋەتى مىقتى ەلدەردى ءبىر ۇستەلدىڭ باسىنا جيناۋعا العىشارت بولادى. سەبەبى، اسكەري ۇيىمداردىڭ بولۋى - يادرولىق قاۋىپتەردىڭ ىقتيمالدىعىن جوعارىلاتادى.

تورتىنشىدەن، پرەزيدەنتتىڭ ب ۇ ۇ قاۋىپسىزدىك كەڭەسىنىڭ قىزمەتى جاڭا فورماتقا ءوتۋ كەرەكتىگى تۋرالى باستاماسى وتە ورىندى. ب ۇ ۇ- نىڭ قارۋسىزداندىرۋ جونىندەگى جاڭا ستراتەگياسىنىڭ فوكۋسى كيبەرقىلمىسپەن كۇرەس جۇرگىزىلۋگە باعىتتالسا، تەرروريستىك ارەكەتتەردىڭ الدىن الۋعا سەرپىن بەرەدى.

قازاقستان ءوز تاراپىنان يادروسىز الەم قۇرۋ تۋرالى كۇللى مىندەتتەمەسىن جۇزەگە اسىردى. توقسانىنشى جىلدارى سەمەي پوليگونىن جاۋىپ، ەلىمىزدىڭ يادرولىق قارۋدان باس تارتۋى - بارلىق وتانداستارىمىز ءۇشىن تاريحي كەزەڭ،قازىرگىمىز بەن كەلەشەگىمىزگە سونى سەرپىلىس بەرەتىن ۇلكەن تاريحي ءىس بولعاندىعى بەلگىلى. قازاقستاننىڭ وسى ماسەلەدەگى ۇستانىمى الەمدى يادرولىق زۇلىمدىقتان ساقتاۋدىڭ العىشارتى دەپ قابىلداۋعا بولادى. وسىدان 15 - جىل بۇرىن ەلىمىز ايماقتاعى كورشىلەرىمىزبەن بىرگە ورتالىق ازيادا يادرولىق قارۋدان ازات ايماق قۇرۋ تۋرالى شارتقا قول قويدى. ءقازىر دە قازاقستان جاھاندىق انتيادرولىق قوزعالىستىڭ كوش باسىندا كەلەدى. ءبىزدىڭ بۇل تاجىريبەمىز الەمنىڭ بارلىق مەملەكەتتەرىنە ۇلگى بولادى دەگەن ۇمىتتەمىن. قازاقستاننىڭ زىمىراندىق- يادرولىق ارسەنالى اۋقىمى جونىنەن الەمدەگى ءتورتىنشى بولسا دا، بەيبىتشىلىكتى جوعارى قويعان ەلىمىز وسىنداي تاريحي شەشىممەن الەمنىڭ نازارىنا ىلىكتى. سوندىقتان بولار، الەمدى يادرولىق قارۋسىزداندىرۋ سامميتەرىنە ەل پرەزيدەنتى ن. ءا. نازاربايەۆتىڭ قاتىسۋى ۇلكەن ماڭىزعا يە.

ەلباسىنىڭ بۇل باستاماسىن الەم قولداپ ءوتىر. قازىرگى تاڭدا جاھان جۇرتشىلىعى لاڭكەستىكپەن « ءبىر جاعادان باس، ءبىر جەڭنەن قول شىعارىپ» كۇرەسۋى قاجەت. ال بۇل مانيفەست وسى ءىستىڭ باياندى باستاماسى بولماق. بۇل مانيفەستپەن دۇنيەجۇزىندەگى بارلىق ساياسي جانە مەملەكەتتىك كوشباسشىلار، سونىمەن قاتار زيالى قاۋىم وكىلدەرى، بارلىق حالىقتاردىڭ رۋحاني- مادەني كوشباسشىلارى جەتە تانىسۋلارى كەرەك.

قورىتا ايتقاندا، ن. ءا. نازاربايەۆ جاڭا باستاماسىمەن ءوزىنىڭ دانالىعىن، بولاشاق ۇرپاقتىڭ، الەمنىڭ تاعدىرى ءۇشىن الاڭداۋشىلىعىن كەزەكتى مارتە كورسەتىپ ءوتىر. قازىرگىدەي قىرىق قۇبىلعان قىم- قۋىت زاماندا قانداي دا بولسىن كيكىلجىڭدەردى قارۋدىڭ، قورقىتىپ- ۇركىتۋدىڭ كۇشىمەن ەمەس، كەلىسسوزدەر مەن ءوازارا سىيلاستىقتىڭ نەگىزىندە شەشكەننەن جاپا شەكپەيمىز. مىنە، الەمدىك دەڭگەيدەگى ساياساتكەر قازاق پرەزيدەنتىنىڭ كوزدەگەنى دە، ۇستانعانى دا وسىنداي ساياسات.

جانداربەك اسان،

ت م پ ي اقپاراتتىق- يميدجدىك ءبولىمىنىڭ باسشىسى، عىلىم ماگيسترى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى