الماتىدا «قازاقستان» قوناق ءۇيىنىڭ شولۋ الاڭقايى قيرادى

بۇل تۋرالى جاڭا عانا الماتى قالالىق ت ج د رەسمي وكىلى ساندۋعاش بايمۇحانبەتوۆا حابارلادى.

«بۇگىن الماتىدا كەشكى ساعات 17:39 دا الماتى قالالىق ت ج د «101» كەزەكشى بولىمىنە مەدەۋ اۋدانى، دوستىق داڭعىلى 52 -مەكەنجايىندا ورنالاسقان «قازاقستان» قوناق ءۇيىنىڭ تەمىر كونسترۋكسياسى قيراعانى تۋرالى حابار كەلىپ ءتۇستى. وقيعا ورنىنا كەلىپ جەتكەن دەپارتامەنت قىزمەتكەرلەرى «قازاقستان» قوناق ءۇيىنىڭ سىرت جاعىنا ەكىنشى قابات دەڭگەيىندە جاپسارلاس سالىنعان شولۋ الاڭقايى - اشىق تەرراساسى باعاناسىنىڭ تەمىر قاڭقاسى قيراعانىن انىقتادى. زارداپ شەككەندەر جوق. قازىر وقيعانىڭ ءمان- جايى انىقتالىپ جاتىر»، - دەدى س. بايمۇحانبەتوۆا.

 ايتا كەتەلىك، تەرراسانىڭ استىندا كەزىندە ءدامحانا بولعان كورىنەدى.

اۆتور: ايبوتا جاپپاربەرگەن

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى