جاڭعىرتۋ ساياساتىن جەتىلدىرۋ كەزەڭ- كەزەڭىمەن جۇزەگە اسىرىلادى - ەلباسى
كەڭەس بارىسىندا كاسىبي مەملەكەتتىك اپپاراتتى قالىپتاستىرۋ، زاڭ ۇستەمدىگىن جانە ەلدىڭ ەكونوميكالىق ءوسىمىن قامتاماسىز ەتۋ ماسەلەلەرى تالقىلاندى.
كەڭەس بارىسىندا ەلباسى نۇرسۇلتان نازاربايەۆ بۇگىنگى كۇنى حالىقپەن ساۋاتتى جۇمىس ىستەۋدى قالىپتاستىرۋعا ەرەكشە نازار اۋدارۋ قاجەتتىگىن اتاپ ءوتتى.
«جاڭا زاڭنامالىق اكتىلەر قابىلداۋ ناتيجەسىندە كەيبىر كەمشىلىكتەر مەن ولقىلىقتارعا جول بەرىلىپ جاتىر. بۇعان جەر ماسەلەسىنە قاتىستى زاڭ ايقىن مىسال بولا الادى. سوندىقتان دا، جۇيەلى تالداۋ مەن قابىلداناتىن شارالاردى جان- جاقتى تالقىلاۋ نەگىزىندە قاتەلىكتەرمەن ۇدايى جۇمىس ىستەۋ قاجەت. ءبىز ساياساتىمىزدى جەتىلدىرۋگە باعىتتالعان قادامداردى كەزەڭ- كەزەڭىمەن جۇزەگە اسىرۋعا ءتيىسپىز» ، - دەدى مەملەكەت باسشىسى.
كەڭەس وتىرىسىنا ق ر پرەمەر- ءمينيسترى كارىم ءماسىموۆ، ق ر پرەزيدەنتى اكىمشىلىگىنىڭ باسشىسى نۇرلان نىعماتۋلين، ق ر پرەمەر- ءمينيسترىنىڭ ورىنباسارى داريعا نازاربايەۆا، پرەزيدەنت اكىمشىلىگى باسشىسىنىڭ ورىنباسارى باعلان مايلىبايەۆ، پرەزيدەنت اكىمشىلىگى باسشىسىنىڭ ورىنباسارى مارات بەكەتايەۆ، جوعارعى سوت كەڭەسىنىڭ ءتوراعاسى اناتولي سمولين، ق ر پرەزيدەنتىنىڭ كومەكشىسى ءاليحان سمايىلوۆ، مەملەكەتتىك قىزمەت ىستەرى ءمينيسترى تالعات دوناقوۆ، ينۆەستيتسيا جانە دامۋ ءمينيسترى اسەت يسەكەشيەۆ، ۇلتتىق ەكونوميكا ءمينيسترى قۋاندىق بيشىمبايەۆ، ءبىلىم جانە عىلىم ءمينيسترى ەرلان ساعاديەۆ، استانا قالاسىنىڭ اكىمى ادىلبەك جاقسىبەكوۆ قاتىستى.
اۆتور: قانات مامەتقازى ۇلى
