اقتوبەدە «جيھاد» جاريالاۋدى ۇگىتتەگەن «يمام» سيريالىق اگەنت بولۋى ىقتيمال - ق. قاسىموۆ

 بۇل تۋرالى بۇگىن ق ر ىشكى ىستەر ءمينيسترى قالمۇحانبەت قاسىموۆ ءمالىم ەتتى.

«لاڭكەستەر پاتەرلەرىندە جينالعان كەزدە، الدەبىر «يمامنان» قاسيەتتى «جيھادقا» شىعۋ جونىندە ۇندەۋ تاستايدى. بۇل يمام سيريا باعىتىنان بولۋ مۇمكىن دەگەن كۇدىك بار. تەرگەۋ بارىسىندا ونى ءالى دالەلدەۋ قاجەت. لاڭكەستىككە دايىندالعان 45 ادامنىڭ ىشىنەن «جيھادقا» بارۋدان باس تارتقاندار وسىنى ايتۋدا»، - دەدى مينيستر.

ەسكە سالا كەتەيىك، 5 - ماۋسىمدا اقتوبەدە تەراكت ورىن الدى. 25 ادام الدىمەن قارۋ دۇكەنىنە، كەيىن اسكەري بولىمشەگە شابۋىل جاسادى. سالدارىنان ۇلتتىق ۇلاننىڭ 3 اسكەري قىزمەتشىسى مەن 5 بەيبىت تۇرعىن قازا تاپتى. 7 اسكەري قىزمەتشى مەن 12 پوليسەي جاراقات الدى. قازىرگى ۋاقىتتا تەراكتىگە قاتىسقانداردىڭ بارلىعى ۇستالدى جانە كەيبىرىنىڭ كوزدەرى جويىلدى. تەرگەۋ جۇرگىزىلۋدە.

ەلدە 40 كۇنگە لاڭكەستىك قاۋىپىنىڭ «سارى» دەڭگەيى بەلگىلەندى.

 بۇگىن مينيستر حابارلاعانىنداي، لاڭكەستىككە باستاپقىدا 45 ادامنان تۇراتىن توپ دايىندالعان. الايدا ونىڭ 20-سى كەيىن جيھادقا بارۋدان باس تارتقان.

 اۆتور: جاسۇلان جولدىبايەۆ  

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى