شىمكەنت تۇرعىنى ءتۇرلى حالىقتىڭ ۇلتتىق كيىمىن كيگەن جۇزگە جۋىق قۋىرشاق جيعان - فوتو
«تاۋەلسىزدىگىمىزدىڭ 25 جىلىندا ەلىمىز باستى قۇندىلىق - حالىقتار دوستىعىن ساقتاپ قالدى. قازىر تاۋەلسىزدىك مەرەيتويى قارساڭىندا وزگە حالىقتىڭ مادەنيەتىن باعالاپ قورعاۋ ماڭىزدى ەكەنىن جاستارعا ءتۇسىندىرۋىمىز قاجەت»، - دەدى پاۋلينا برەنەر.
قۋىرشاق كوللەكتسياسىن جيناۋ 12 جىل بۇرىن ارلەكينونى ساتىپ الۋدان باستالدى. شەتەلگە بارىپ كەلگەن سوڭ پاۋلينا ميحايلوۆنا قۋىرشاقتاردى جيناۋعا بەكەم بەل بۋدى. «گوللاندياعا ۇلىما العاش رەت بارعانىمدا ماعان ۇلتتىق كيىم كيگەن قۋىرشاق سىيلادى. ماعان ولاردىڭ ۇناعانى سونشالىق، ءتۇرلى ەلدەردىڭ قۋىرشاعىن جيناعىم كەلدى. ولاردى اعام، كەيىن وقۋشىلارىم اكەلە باستادى»، - دەدى كوللەكتسيا يەسى.
پاۋلينا برەنەر كوپ جىلدار بويى شىمكەنت مەكتەبىندە ورىس ءتىلى جانە ادەبيەتى پانىنەن ساباق بەرگەن. پاۋلينا ميحايلوۆنا زەينەت دەمالىسىنا شىققاننان كەيىن دە وزگەلەرگە ورىس ءتىلىن ۇيرەتۋ كاسىبىن توقتاتپادى. العىس رەتىندە وقۋشىلارى الەمنىڭ تۇكپىر-تۇكپىرىنەن قۋىرشاقتار اكەلگەن. ازىرگە ءۇندىستاننىڭ قۋىرشاعى عانا جوق، دەيدى پاۋلينا برەنەر.
پاۋلينا برەنەر قۋىرشاقتارىن قوناقتارىنا كورسەتۋدى ۇناتادى. الايدا ونى سىيلامايدى. تەك ءبىر جولى عانا ەۋروپاداعى تانىستارىنا قازاق حالقىنىڭ تاريحىمەن تانىستىرۋ ءۇشىن عانا قازاقتىڭ ۇلتتىق كيىمىن كيگەن قۋىرشاقتى سىيعا تارتقان.
